Viðskipti innlent

Ottó nýr for­stöðu­maður hjá Origo

Kristín Ólafsdóttir skrifar
Ottó Freyr Jóhannsson.
Ottó Freyr Jóhannsson. Mynd/Origo
Ottó Freyr Jóhannsson hefur verið ráðinn forstöðumaður hýsingar- og rekstrarlausna hjá Origo. Þetta kemur fram í tilkynningu frá Origo.



Ottó hefur starfað hátt í 20 ár hjá Origo og forvera við ýmis störf, allt frá samsetningu á tölvum, notendaþjónustu, viðskiptastýringu og sem forstöðumaður viðskiptastýringar. Hann er með meistarapróf í rafeindavirkjun og rafiðnfræðingur frá HR.



Í tilkynningu segir jafnframt að Ottó sé giftur þriggja barna faðir. Þá sé helsta áhugasvið hans „tónlist og sagnfræðin á bak við tónlist og tónlistarfólk.“



Starfsemi hýsingar- og rekstrarlausna Origo byggist m.a. á þjónustu og ráðgjöf á fjölnota skýjalausnum, miðlægum lausnum, gagnagrunnum, afritun, netkerfum og sýndarlausnum, að því er segir í tilkynningu.

Tengd skjöl




Fleiri fréttir

Sjá meira


Mesta hækkun dagsins


Engar hækkanir skráðar í dag

Mesta lækkun dagsins


Engar lækkanir skráðar í dag
Velkomin á Vísi. Þessi vefur notar vafrakökur. Sjá nánar.