Viðskipti erlent

Woo­dy Allen og Amazon ná sam­komu­lagi um A Rainy Day in New York

Atli Ísleifsson skrifar
Hinn 83 ára Wood Allen fyrr á árinu.
Hinn 83 ára Wood Allen fyrr á árinu. Getty

Bandaríski kvikmyndaleikstjórinn Woody Allen og verslunar- og framleiðslurisinn Amazon hafa náð samkomulagi um greiðslu til Allen eftir að Amazon ákvað að sýna ekki nýjustu mynd leikstjórans, A Rainy Day in New York.

Þetta þýðir að málið mun ekki fara fyrir dómstóla eða þá að Allen fái þær 68 milljónir Bandaríkjadala sem hann hafði krafist, um 8,2 milljarða króna. Allen sakaði Amazon um að með því að taka myndina ekki til sýninga hafi fyrirtækið verið búið að brjóta gegn samningi.

Allen sagði þegar máli kom upp að Amazon hafi vel vitað um það sem hann kallaði „25 ára, tilhæfulausar ásakanir“ þegar Allen og Amazon gerðu samning árið 2016 um framleiðslu fjögurra kvikmynda.

Forsvarsmenn Amazon ákváðu að taka myndina ekki til sýninga eða markaðssetja myndina eftir að ásakanir um að Allen hafi misnotað stjúpdóttur sína Dylan Farrow í byrjun tíunda áratugarins komu aftur í umræðuna í tengslum við Metoo-hreyfinguna.

Ekki hefur fengist upp gefið hvaða fjárhæðir um ræðir í samkomulagi Allen og Amazon.

A Rainy Day in New York hefur ekki farið í dreifingu í Bandaríkjunum en myndin var frumsýnd á kvikmyndahátíðinni í Deauville í Frakklandi í haust.

Tökur á myndinni fóru fram árið 2017, en Jude Law, Rebecca Hall, Selena Gomez og Timothée Chalamet voru í hópi leikara myndarinnar. Chalamet greindi frá því í janúar á síðasta ári að hann myndi gefa öll laun sín vegna hlutverks í myndinni til Time‘s Up hreyfingarinnar sem berst gegn kynferðisofbeldi og kynferðislegri áreitni og annarra góðgerðarmála.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
2,84
50
304.659
BRIM
0,9
4
13.951
REITIR
0,54
6
97.741
EIM
0,53
3
22.430
MAREL
0,49
15
329.308

Mesta lækkun dagsins


Félag
Br.%
Fjöldi
Velta*
ORIGO
-1,82
5
37.198
KVIKA
-1,49
6
94.217
ICESEA
-0,92
5
8.654
SYN
-0,91
3
26.200
HEIMA
-0,86
4
3.247
Velkomin á Vísi. Þessi vefur notar vafrakökur. Sjá nánar.