Fjallað verður um netárásir á fyrirtæki og stofnanir undir yfirskriftinni Geta netárásir fellt fyrirtæki? á morgunfundi á vegum samgöngu- og sveitarstjórnarráðuneytisins og Samtaka atvinnulífsins í dag.

Fundurinn er haldinn á Grand hótel og hefst klukkan 8:30 og stendur til 10. Hægt verður að fylgjast með fundinum í spilaranum að neðan.

Á fundinum verður meðal annars fjallað um reynslu norskra stórfyrirtækisins Norsk Hydro af alvarlegri netárás. Fundurinn er haldinn í tilefni af evrópska netöryggismánuðinum í október.

Að neðan má sjá hverjir munu halda fyrirlestur á fundinum:

• Halvor Molland, framkvæmdastjóri upplýsingamála hjá norska stórfyrirtækinu Norsk Hydro, mun segja frá alvarlegri netárás á fyrirtækið og lærdómi sem draga megi af henni.
• Nils Kalstad, deildarstjóri upplýsingaöryggis- og fjarskiptadeildar Norska tækniháskólans, NTNU, mun fjalla um samvinnu um netöryggi á milli háskóla, yfirvalda og atvinnulífsinsogmiðstöð sem sett hefur verið upp til að æfa varnir gegn árásum á stofnanir og fyrirtæki.
• Loks munu Hákon L. Åkerlund og Ægir Þórðarson öryggissérfræðingar frá Landsbankanum fjalla um leiðir til að halda vöku sinni varðandi netógnir framtíðar.
• Fundarstjóri er Ragnhildur Hjaltadóttir, ráðuneytisstjóri