Fjármálaeftirlitið gerir athugasemdir við fjárfestingaferli Tryggingamiðstöðvarinnar. Um er að ræða niðurstöður vettvangsathugunar hjá tryggingafélaginu í maí á þessu ári.



Í fyrsta lagi taldi stofnunin að í eftirliti áhættustýringar með fjárfestingaáhættu hafi ekki falist eftirlit með að fjárfestingarheimildum væri fylgt.



Þá hafi verklag við verðmat á óskráðum eignum ekki komið í veg fyrir hagsmunaárekstra með fullnægjandi hætti.



Að endingu var skjölun fjárfestingaákvarðana talið ábótavant.