Bílar

Stjarna Mitsubishi í Tókýó er topplaus rafjepplingur

Kristinn Ásgeir Gylfason skrifar
Mitsubishi MI-Tech hugmyndabíllinn verður kynntur seinna í október.
Mitsubishi MI-Tech hugmyndabíllinn verður kynntur seinna í október. Mitsubishi
Mitsubishi mun kynna hugmyndajepplinginn MI-Tech Concept á bílasýningunni í Tókýó seinna í október. Um er að ræða rafjeppling með fjóra mótora en engan topp, engar hurðar og einungis tvö sæti.



Bíllinn er líklega ekki á leiðinni í framleiðslu á næstunni. Ætlunin er að skapa áhuga á nýrri tengiltvinn vél sem drífur hann áfram. Sú vél verður svo að öllum líkindum sett í jepplinga frá Mitsubishi sem eru minni en Outlander.







Kæliviftur fyrir vél á MI-Tech.Mitsubishi
Þróun þessarar vélar hefur leitt af sér minna, léttara og skilvirkara kerfi. Bílarnir verða fjórhjóladrifnir með tvo rafmótora á hverjum öxli svo geta bílanna í torfærum mun aukast.



Líklegast verður þessi nýja vélasamsetning notuð í Eclipse Cross á næstu misserum. Tengiltvinnútgáfa af Eclipse Cross er væntanleg samkvæmt heimildum Autocar.


Tengdar fréttir

Mitsubishi á fleygiferð

Mitsubishi er það bílavörumerki á Íslandi sem vaxið hefur hraðast fyrstu sex mánuði ársins 2018.

Mitsubishi mætir með rafmagnaðan jeppling í Genf

Það koma ekki margar fréttirnar almennt frá japanska bílaframleiðandanum Mitsubishi en ein glæný hermir að fyrirtækið muni mæta með nýjan rafmagnsjeppling á bílasýninguna í Genf í mars komandi.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.