Innlent

Eiríkur nýr forseti lagadeildar HR

Stefán Ó. Jónsson skrifar
Eiríkur Elís Þorláksson hefur starfað hjá Háskólanum í Reykjavík frá árinu 2012.
Eiríkur Elís Þorláksson hefur starfað hjá Háskólanum í Reykjavík frá árinu 2012.

Eiríkur Elís Þorláksson hefur verið ráðinn forseti lagadeildar Háskólans í Reykjavík. Hann tekur við starfinu af Ragnhildi Helgadóttur, sem hafði verið forseti frá árinu 2014. Frá þessu er greint í tilkynningu frá skólanum þar sem ferill Eiríks er rakinn.

Þar segir að Eiríkur hafi lokið fullnaðarprófi í lögfræði árið 2001 og meistaranámi frá King´s College í London árið 2008. Hann hefur starfað hjá hjá HR síðan 2012, fyrst sem lektor og sem dósent frá árinu 2017, auk þess að hafa gegnt starfi deildarforseta tímabundið frá 1. mars síðastliðnum. Þá hefur Eiríkur Elís setið í nefndum og stjórnum innan og utan háskólans

Eiríkur hefur kennt bæði í grunn- og meistaranámi, einkum greinar á sviði réttarfars og fjármunaréttar. Ennfremur hefur hann sinnt rannsóknum á þeim sviðum og nýverið kom út bók eftir hann um alþjóðlegan einkamálarétt.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.