Viðskipti innlent

VR fer í hart gegn smálánafyrirtækjum

Tryggvi Páll Tryggvason skrifar
Ragnar Þór Ingólfsson, formaður Verslunarmannafélags Reykjavíkur. Fréttablaðið/Sigtryggur Ari
Ragnar Þór Ingólfsson, formaður Verslunarmannafélags Reykjavíkur. Fréttablaðið/Sigtryggur Ari

Stjórn VR samþykkti í kvöld að fara í samstarf með Neytendasamtökunum til þess að berjast gegn smálánum og harkalegum innheimtuaðgerðum þeim tengdum. VR mun meðal annars leggja út fyrir kostnaði vegna lögfræðivinnu í tengslum við baráttu gegn ólögmætri innheimtu smálánafyrirtækja.

Neytendasamtökin hafa að undanförnu staðið í mikilli baráttu við félagið Almenna innheimta sem innheimt hefur skuldir fyrir smálánafyrirtækið. Hafa samtökin meðal annars kallað eftir því að innheimtuaðgerðir félagsins verið skoðar. Nú hyggst VR standa við hlið Neytendasamtakanna í þessari baráttu.

„Við munum bæði leggja fram lögfræðiaðstoð til þess að kanna réttarstöðu þessara einstaklinga gagnvart innheimtufyrirtækinu Almenn innheimta, gagnvart Sparisjóði Strandamanna og fjármálafyrirtækjum sem skuldfæra af reikningum fólks upphæðir sem eru langt umfram það sem var gefin í upphafi og síðan með fjárstuðningi til að taka á móti fólki og halda utan um þau mál sem koma inn til Neytendasamtakanna,“ segir Ragnar í samtali við Vísi.

Heimasíða smálánafyrirtækisins Hraðpeninga. FBL/Valli

Verkefnið snúist um að hvetja þá sem tekið hafi smálán að greiða ekki af lánunum nema fyrir liggi skýr sundurliðun á höfuðstól og öðrum kostnaði þannig að hægt sé að tryggja það að fólk sé ekki að greiða umfram löglegan kostnað við þessi lán.

„Það virðist vera þannig í okkar samfélagi að þessi skítabusiness fái að þrífast óáreittir þrátt fyrir tilraunir samtaka eins og Neytendasamtakanna til að reyna að kalla fram einhverja réttarbót fyrir þá sem lenda í vítahring þessara lána,“ segir Ragnar Þór.

Fyrst og fremst að styðja við baráttu Neytendasamtakanna

Neytendasamtökin hafa sakað Almenna innheimtu um að neita viðskiptavinum um sundurliðun á lánum og að ekki hafi verið látið af innheimtu ólögregla lána. Í fréttatilkynningu sögðust fyrr í sumar Neytendasamtökin „standa ráðþrota gagnvart þessu framferði.“ VR stígur nú inn til þess að létta Neytendasamtökunum undir.

„Við erum fyrst og fremst að styðja við baráttu Neytendasamtakanna sem eru að mörgu leyti fjársvelt í svona málum sem koma upp og geta kostað umtalsverða fjármuni að fara með svona mál fyrir dómstóla, senda stefnur eða fá lögbann. Sérstaklega þar sem samtökin ráðstafa því litla fjármagni sem þau hafa í að halda út kjarnastarfsemi og því lítið svigrúm til að fara í fullum krafi í önnur mál.“


Tengdar fréttir

Almenn innheimta með málið í skoðun

Í yfirlýsingu Neytendasamtakanna segir að til félagsins streymi enn ábendingar og fyrirspurnir frá fólki sem tekið hafi smálán sem séu í innheimtu hjá Almennri innheimtu.

Neytendasamtökin krefjast tafarlauss endurútreiknings smálána

Í fréttatilkynningu frá Neytendasamtökunum er farið fram á að Almenn innheimta ehf. stöðvi innheimtu og láti umboðsmann skuldara fá öll nauðsynleg gögn og segja mjög hafa skort á upplýsingagjöf frá Almennri innheimtu efh. til lántakenda. Meira en helmingur þeirra sem leituðu til Umboðsmanns skuldara í fyrra höfðu tekið smálán.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
SIMINN
2,79
23
428.425
EIM
1,09
6
15.650
TM
0,77
2
4.573
MAREL
0,51
14
430.537
SYN
0,36
1
3.474

Mesta lækkun dagsins


Félag
Br.%
Fjöldi
Velta*
VIS
-2,54
4
1.619.144
ICEAIR
-1,48
11
59.944
KVIKA
-1,36
10
84.287
ICESEA
-1,1
7
29.031
EIK
-1,02
1
12
Velkomin á Vísi. Þessi vefur notar vafrakökur. Sjá nánar.