Viðskipti erlent

Ryanair gæti rekið hundruð flugmanna og þjóna

Kjartan Kjartansson skrifar
Ryanair hafði pantað 28 Boeing 737 Max-vélar áður en þær voru kyrrsettar. Tafir verða á afhendingu þeirra og því þarf félagið að fækka ferðum næsta sumar.
Ryanair hafði pantað 28 Boeing 737 Max-vélar áður en þær voru kyrrsettar. Tafir verða á afhendingu þeirra og því þarf félagið að fækka ferðum næsta sumar. AP/Martin Meissner
Allt að níu hundruð flugmenn og flugþjónar írska lágfargjaldaflugfélagsins Ryanair gætu fengið reisupassann í hópuppsögn í lok sumars, að sögn Michaels O‘Leary, forstjóra félagsins. Fækkun flugferða næsta sumars vegna kyrrsetningar Boeing 737 Max-farþegaþotanna segir hann ástæðu uppsagnanna.



O‘Leary tilkynnti starfsmönnum Ryanair þetta í myndbandi. Tilkynnt yrði um uppsagnir í lok ágúst en hann nefndi ekki hversu margir kæmu til með að missa vinnuna, aðeins að félagið hefði um 900 flugmönnum og þjónum of mörgum á launaskrá, að sögn breska ríkisútvarpsins BBC.



Auk vandræðagangs Boeing nefndi O‘Leary minni hagnað, hækkandi olíuverð og óvissu um útgöngu Breta úr Evrópusambandinu. Ryanair tilkynnti um fimmtungssamdrátt í hagnaði á öðrum ársfjórðungi á mánudag.




Fleiri fréttir

Sjá meira


Mesta hækkun dagsins


Engar hækkanir skráðar í dag

Mesta lækkun dagsins


Engar lækkanir skráðar í dag
Velkomin á Vísi. Þessi vefur notar vafrakökur. Sjá nánar.