Innlent

Rann­sókn á hnífs­tungu í Nes­kaup­stað miðar á­gæt­lega

Sunna Kristín Hilmarsdóttir skrifar
Árásin átti sér stað í heimahúsi í Neskaupstað aðfaranótt fimmtudags.
Árásin átti sér stað í heimahúsi í Neskaupstað aðfaranótt fimmtudags. vísir/vilhelm

Rannsókn lögreglunnar á Austurlandi á hnífstungu í heimahúsi í Neskaupstað aðfaranótt fimmtudags gengur ágætlega að sögn Elvars Óskarssonar lögreglufulltrúa sem stýrir rannsóknardeildinni.

Maðurinn sem grunaður er um hnífstunguna var úrskurðaður í fjögurra vikna gæsluvarðhald í liðinni viku  á grundvelli almannahagsmuna. Málið er rannsakað sem tilraun til manndráps.

Maðurinn kærði gæsluvarðhaldsúrskurðinn til Landsréttar á föstudag og mun rétturinn að öllum líkindum taka afstöðu til kærunnar síðar í þessari viku.
 
Sá sem fyrir árásinni varð var fluttur með sjúkraflugi til Reykjavíkur þar sem hann gekkst undir aðgerð á Landspítalanum á fimmtudag.

Elvar segist telja að hann sé enn á sjúkrahúsi en lögregla tók af honum skýrslu á föstudag.

Aðspurður hvort að mennirnir hafi verið tveir einir í húsinu þegar maðurinn var stunginn eða hvort önnur vitni að árásinni segist Elvar ekki vilja tjá sig um það enda sé rannsókn málsins á frumstigi.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.