Innlent

Úr­skurðaður í fjögurra vikna gæslu­varð­hald

Sylvía Hall skrifar
Frá Neskaupstað þar sem hátíðin Eistnaflug fer fram um helgina. Yfirlögregluþjónn segir hnífstunguna ekki tengjast hátíðinni.
Frá Neskaupstað þar sem hátíðin Eistnaflug fer fram um helgina. Yfirlögregluþjónn segir hnífstunguna ekki tengjast hátíðinni. vísir/vilhelm

Saksóknarar fara fram á fjögurra vikna gæsluvarðhald vegna hnífstungu í heimahúsi í Neskaupstað í nótt. Beðið er nú úrskurðar dómara.

Farið er fram á gæsluvarðhaldið á grundvelli almannahagsmuna en málið er rannsakað sem tilraun til manndráps.  

Jónas Vilhelmsson yfirlögregluþjónn sagði í samtali við fréttastofu fyrr í dag að málið væri í rannsókn en sá sem varð fyrir árásinni var fluttur með sjúkraflugi á Landspítalann í Reykjavík. Maðurinn gekkst undir aðgerð og er líðan hans sögð stöðug.

Enn er lítið vitað um málsatvik en tæknideild Lögreglunnar á höfuðborgarsvæðinu aðstoðar við rannsóknina.

Uppfært klukkan 17:54: Fallist var á gæsluvarðhaldsbeiðni og var maðurinn úrskurðaður í fjögurra vikna gæsluvarðhald vegna málsins. 


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.