Lífið

Gæsluvarðhald yfir A$AP Rocky framlengt

Vésteinn Örn Pétursson skrifar
Rapparinn verður áfram í Svíþjóð um sinn.
Rapparinn verður áfram í Svíþjóð um sinn. Vísir/Getty

Dómari í Svíþjóð hefur ákveðið að verða við beiðni saksóknara þar í landi um að gæsluvarðhald yfir bandaríska rapparanum A$AP Rocky verði framlengt um eina viku. Rapparinn var handtekinn í byrjun júlí grunaður um líkamsárás.

Saksóknarar í máli rapparans héldu því fram að ef Rocky yrði leystur úr gæsluvarðhaldi væru mælanlegar líkur á því að hann myndi yfirgefa Svíþjóð áður en hægt yrði að fara lengra með málið. Dómari tók undir þær áhyggjur og verður rapparinn því í haldi fram á næsta föstudag.

Rapparinn er sakaður um að hafa ráðist á mann þann 30. júní síðastliðinn ásamt tveimur öðrum mönnum. Þeir eru einnig í haldi vegna gruns um líkamsárás og hefur gæsluvarðhaldskrafa yfir þeim einnig verið samþykkt.

Í upphaflegri tilkynningu saksóknara í málinu til fjölmiðla kom fram að beiðnin um framlenginuna hafi verið lögð fram svo hægt yrði að ákæra rapparann á fimmtudaginn kemur. Síðan hefur tilkynningunni verið breytt en þar segir nú að gæsluvarðhaldsbeiðnin hafi verið lögð fram svo unnt væri að rannsaka málið til hlítar.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.