Erlent

Kevin Spacey mætti í dómssal vegna kynferðisbrotaákæru

Hallgerður Kolbrún E. Jónsdóttir skrifar
Kevin Spacey mætir fyrir dómssal vegna ásakana um kynferðisbrot.
Kevin Spacey mætir fyrir dómssal vegna ásakana um kynferðisbrot. getty/Nicole Harnishfeger

Leikarinn Kevin Spacey mætti fyrir dóm á mánudag í Massachusetts þar sem þingfesting dómsmáls gegn honum fór fram. Spacey hefur verið sakaður um fjölda kynferðisbrota en málið sem um ræðir er vegna áreitni leikarans gegn manni á bar í Nantucket árið 2016. Frá þessu er greint á vef fréttastofu The Guardian.

Hann sagði ekki stakt orð á þingfestingunni og svaraði ekki spurningum fréttamanna hvorki við komu sína í dómshúsið né þegar hann fór þaðan.

Viðvera Spacey kom mörgum á óvart þar sem hann var ekki skyldugur til að mæta en hann hefur haldið að öllu sig frá dómssalnum, þegar honum var formlega lesin ákæran í Janúar, sem hann reyndi einnig að koma sér út úr.

Fyrrverandi House of Cards leikarinn, sem er 59 ára að aldri, hefur neitað sök fyrir kynferðisbrot, en hann á yfir höfði sér tveggja og hálfs árs fangelsisvist verði hann fundinn sekur.

Lögmenn Spacey hafa lagt mikið upp úr því að maðurinn sem kærði Spacey sé ekki trúverðugur. Í dómsskjölum sem voru lögð fram á föstudag kemur fram að Alan Jackson, einn lögmanna Spacey, hafi ásakað manninn um að hafa eytt SMS skilaboðum sem gætu stutt kröfu Spacey um sakleysi.

Á þingsetningunni á mánudag, sagði Jackson ákæruna „fáránlega“ og sakaði saksóknara um að ranglega hafa neitað því að hafa haft aðgang að upplýsingum um farsíma kærandans.

Brian Glenny, aðstoðarmaður saksóknara, neitaði að embættið hafi logið um aðgengi sitt að farsímanum.

Jackson bað Thomas Barrett, dómarann í málinu, um að byrja réttarhöldin í sumar þar sem Spacey væri að „þjást.“ Dómarinn svaraði að réttarhöldin myndu byrja í fyrstalagi einhvern tíma í haust.  

Átti að mótmæla eða færa sig þegar brotið var á honum

Þetta er eina ákæran sem hefur verið gefin út á hendur Spacey síðan starfsferill hans brotnaði niður árið 2017 eftir að röð ásakana á hendur honum birtust vegna meintra kynferðisbrota.

Ásakanir gegn Spacey sprungu út eftir að Heather Unruh, fyrrverandi fréttaþulur Boston TV, sagði að Spacey hafi hellt son hennar fullan og brotið á honum á klúbbnum Club Car, sem er vinsæll veitingastaður og bar á eyju rétt hjá Cape Cod.

Sonur Unruh sagði lögreglu að hann hafi viljað taka mynd með Spacey og hafi nálgast hann til að tala við hann eftir að hann kláraði vaktina sína á barnum. Hann sagði Spacey hafa keypt fyrir hann þó nokkra drykki og reynt að telja hann á að fara heim með sér áður en hann renndi frá buxunum hans og þuklaði á honum í um það bil þrjár mínútur.

Hann sagði lögreglu að hann hafi reynt að fjarlægja hendur Spacey en þuklið hafi haldið áfram og að hann hafi ekki vitað hvað hann ætti að gera því hann vildi ekki lenda í vandræðum fyrir að drekka áfengi. Hann segist hafa flúið þegar Spacey fór á salernið.

Lögmenn Spacey segja ásakanirnar vera „augljóslega rangar“ og sökuðu manninn um að ljúga í von um að græða peninga. Þeir segja samskipti þeirra ekki hafa verið annað en daður af hálfu beggja aðila og spurðu hvers vegna hann hafi ekki mótmælt eða fært sig hafi Spacey brotið á honum.

Lögmaður Spacey hvatti dóminn að gera saksóknurum að gefa fram „fullbúið og óbreytt“ eintak af farsíma ákæranda og sögðu að nýfundin gögn sýni fram á að hann hafi „eytt sýknandi skilaboðum og hafi útvegað lögregluyfirvöldum fölsuð skjáskot af samtali þeirra á umræddu kvöldi.“





Tengdar fréttir

Góðir listamenn – vont fólk

Michael Jackson, einn allra vinsælasta tónlistarmaður síðari tíma, er hvorki fyrsti né síðasti listamaðurinn sem kemst upp með illvirki og ógeð í skjóli frægðar og vinsælda.

Spacey segist saklaus

Leikarinn Kevin Spacey lýsti yfir sakleysi sínu í dómsal í dag þar sem hann mætti vegna ákæru fyrir kynferðisbrot gegn táningi.

Kevin Spacey þarf að mæta í dómsal

Dómari í Massachussets-ríki Bandaríkjanna hefur neitað beiðni Kevin Spacey um að leikarinn þurfi ekki að mæta í dómsal þegar honum verður formlega lesin ákæra fyrir að hafa ráðist kynferðislega á dreng á táningsaldri árið 2016.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.