KR-ingar harma ummæli framherja félagsins

KR sendi frá sér yfirlýsingu í morgun þar sem rasísk ummæli framherja félagsins, Björgvins Stefánssonar, eru hörmuð.

„Ummæli eins og um ræðir eiga ekki erindi í umræðu um íslenskan fótbolta frekar en annars staðar, segir meðal annars í yfirlýsingu KR.

Guðni Bergsson, formaður KSÍ, hefur einnig lagt orð í belg þar sem hann segist ekki vilja sjá fordóma í fótboltanum.

Við viljum ekki sjá fordóma í fótboltanum frekar en í samfélaginu öllu. Fótbolti gengur út á samvinnu, liðsheild, gleði og virðingu. Við berjumst gegn fordómum með fræðslu og kærleik. #Fotboltinet#fyririsland

— Guðni Bergsson (@gudnibergs) May 24, 2019

Mál Björgvins er nú á borði KSÍ og ætti að koma í ljós í dag hvort ummælum hans verði skotið til aganefndar KSÍ.