Þórey Rósa spilar hundraðasta landsleikinn sinn á Spáni

Axel Stefánsson, þjálfari kvennalandsliðsins í handbolta, hefur valið þá sextán leikmenn sem mæta Spáni í umspilsleikjum um laust sæti á HM í handbolta 2019.

Ísland mætir Spánverjum í Antequera á Spáni föstudaginn 31. maí nk. en seinni leikur liðanna fer fram í Laugardalshöllinni 6. júní kl. 19:00.

Stelpurnar okkar halda til Noregs á mánudaginn til undirbúnings fyrir leikina gegn Spáni og mætir liðið B landsliði Noregs þann 28. maí.

Hornamaðurinn Þórey Rósa Stefánsdóttir er í íslenska hópnum sem fyrr en hún hefur spilað 99 A-landsleiki á ferlinum og næsti leikur verður því númer hundrað. Leikur á móti b-landsliðið telst varla sem A-landsleikur og því ætti Þórey Rósa að spila inn hundraðasta landsleik á Spáni.

Arna Sif Pálsdóttir er eini leikmaður hópsins sem hefur spilað hundrað A-landsleiki en Karen Knútsdóttir er ekki langt frá. Karen hefur spilað 95 landsleiki samkvæmt upplýsingum frá HSÍ.

Rut Jónsdóttir var á góðri leið en er búin að vera lengi frá vegna meiðsli. Rut er nú komin aftur inn í liðið og ætti að spila sinn 90. landsleik á Spáni.



Íslenska kvennalandsliðið í handbolta í maí og júní 2019:

(Fyrir aftan nöfn leikmanna liðsins má sjá landsleiki og mörk fyrir Ísland (landsleikir/mörk)

Markmenn:

Elín Jóna Þorsteinsdóttir 18/0

Hafdís Renötudóttir 23/1

Vinstra horn:

Sigríður Hauksdóttir 9/16

Perla Ruth Albertsdóttir 18/23

Vinstri skytta:

Andrea Jacobsen 15/13

Helena Rut Örvarsdóttir 32/69

Lovísa Thompson 17/28

Leikstjórnendur:

Ester Óskarsdóttir 26/19

Eva Björk Davíðsdóttir 30/22

Karen Knútsdóttir 95/336

Hægri skytta:

Thea Imani Sturludóttir 33/45

Rut Jónsdóttir 89/184

Hægra horn:

Díana Dögg Magnúsdóttir 15/15

Þórey Rósa Stefánsdóttir 99/288

Línumenn:

Arna Sif Pálsdóttir 147/267

Steinunn Björnsdóttir 28/14

Starfsfólk:

Axel Stefánsson, þjálfari

Óskar Bjarni Óskarsson, aðstoðarþjálfari

Þorbjörg Jóhanna Gunnarsdóttir, liðsstjóri

Ágústa Sigurjónsdóttir, sjúkraþjálfari

Særún Jónsdóttir, sjúkraþjálfari