Innlent

Þrír greindir með nær alónæmar bakteríur á Landspítalanum

Birgir Olgeirsson skrifar
Strangar reglur um skimum gildi á spítalanum fyrir slíkum bakteríum og einangrun sjúklinga sem finnast með þær.
Strangar reglur um skimum gildi á spítalanum fyrir slíkum bakteríum og einangrun sjúklinga sem finnast með þær. Vísir/Vilhelm

Þrír sjúklingar á Landspítalanum hafa verið greindir með nær alónæmar bakteríur í mánuðinum. Um er að ræð karbapenemasamyndandi þarmabakteríur, E. coli og Klebsiella, sem eru ónæmar fyrir nær öllum sýklalyfjum og eru ein mesta ógn við lýðheilsu í heiminum.

Tveir af sjúklingunum þremur sem greindust á Landspítala með nær-alónæmar E. coli eða Klebsiella bakteríur höfðu verið á sjúkrahúsi erlendis en einn hafði engin tengsl við sjúkrahús, aðeins ferðast til lands utan Evrópu og Bandaríkjanna þar sem ónæmi er útbreitt.

Greint er frá þessu á vef Landspítalans en þar segir að strangar reglur um skimum gildi á spítalanum fyrir slíkum bakteríum og einangrun sjúklinga sem finnast með þær.

„Því miður er mikil aðsókn, krafa um hraða afgreiðslu og þrengsli á viðkvæmum stöðum á sjúkrahúsinu, eins og t.d. á bráðamóttökunni, og mjög erfitt að einangra sjúklinga á viðunandi hátt. Við slíkar aðstæður er mikil hætta á dreifingu baktería á milli einstaklinga og í umhverfið. Við viljum því ítreka mikilvægi þess að starfsfólk muni eftir og fylgi reglum um einangrun, skimræktanir og handþvott,“ segir á vef Landspítalans.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.