Lífið

Foreldrafélag Hatara fékk að fljóta með pressunni í blaðamannahöllina

Kolbeinn Tumi Daðason í Tel Aviv skrifar
Pabbarnir brugðu á leik með blaðamanni í rútunni og þóttust naga neglurnar af stressi.
Pabbarnir brugðu á leik með blaðamanni í rútunni og þóttust naga neglurnar af stressi. Vísir/Kolbeinn Tumi

Hatari er með þétt stuðningsnet í Tel Aviv en foreldrar þeirra eru flestir hverjir mættir utan til að standa við bakið á sínu fólki. Nú þegar 75 mínútur eru í að Hatari stígi á svið er hópurinn mættur í höllina vopnaður íslenska fánanum, bjartsýni og góða skapinu.

Fjölmiðlum býðst að taka litlar rútur, svokallaðar skutlur, í keppnishöllina. Endastöðin er rétt við hótel íslenska hópsins og fengu foreldrarnir þau skilaboð að þau gætu farið með rútunni upp í keppnishöllina.

Foreldrarfélagið er klætt í Hataraboli sem seljast víst eins og heitar lummur á klakanum þessa stundina. Vísir/Kolbeinn Tumi

Til þess að fá far með rútunni þarf hins vegar að framvísa passa, þ.e pressupassa eða að vera hluti af keppnisteymi hverrar þjóðar. Foreldrarnir höfðu engan slíkan passa og stefndi í leit að leigubíl til að ferma flotann upp í keppnishöll.

Bekkurinn var þétt skipaður í rútunni en foreldrarnir, með bros á vör, náðu að fara yfir málin með rútubílstjóranum sem horfði í gegnum fingur sér og hleypti foreldrafélaginu um borð.

Að neðan má sjá myndir úr rútunni og ljóst að Hatari á gott bakland sem mun styðja sitt fólk í blíðu og stríðu.

Púlsinn var góður á dyggustu stuðningsmönnum Matthíasar Tryggva söngvara. Vísir/Kolbeinn Tumi


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.