Körfubolti

New Orleans vann Zion-lottóið

Henry Birgir Gunnarsson skrifar
Zion Williamson er líklega mesti efni sem komið hefur fram síðan LeBron James.
Zion Williamson er líklega mesti efni sem komið hefur fram síðan LeBron James. vísir/getty

New Orleans Pelicans datt heldur betur í lukkupottinn í nótt er hið árlega lottó um hvaða lið fær að velja fyrst í nýliðavali NBA-deildarinnar fór fram.

Pelíkanarnir áttu aðeins 6 prósent möguleika á því að vinna lottóið en þetta var þeirra kvöld. Hinn ótrúlegi leikmaður Duke, Zion Williamson, fer því væntanlega til New Orleans.

Þetta breytir heldur betur stöðu mála hjá New Orleans en aðalstjarna liðsins, Anthony Davis, hefur síðustu mánuði reynt að komast frá félaginu en fékk ekki. Hann gæti hugsað sig betur um núna og spilað með Zion.

New York Knicks átti góðan möguleika á því að vinna fyrsta valrétt og marga í stóra eplinu dreymdi um að fá Zion þangað. Af því verður ekki og Knicks náði aðeins þriðja valrétti.

Svona verður nýliðavalið 2019:

1. New Orleans Pelicans
2. Memphis Grizzlies
3. New York Knicks
4. LA Lakers
5. Cleveland Cavaliers
6. Phoenix Suns
7. Chicago Bulls
8. Atlanta Hawks
9. Washington Wizards
10. Atlanta Hawks (fengu valið frá Dallas)
11. Minnesota Timberwolves
12. Charlotte Hornets
13. Miami Heat
14. Boston Celtics (fengu valið frá Sacramento)

NBA


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.