Fótbolti

Glódís á toppnum eftir sigur

Ástrós Ýr Eggertsdóttir skrifar
Glódís er á toppnum í Svíþjóð.
Glódís er á toppnum í Svíþjóð. vísir/getty

Glódís Perla Viggósdóttir og stöllur í Rosengard eru í toppsætinu í sænsku úrvalsdeildinni í fótbolta með sigri á Pitea í kvöld.

Glódís spilaði allan leikinn í 2-0 sigri á heimavelli en Johanna Kaneryd og Anam Imo gerðu mörk Rosengard. Rosengard er með þrettán stig eftir sex leiki, líkt og Linköpings og Vittsjö en með bestu markatöluna.

Vittsjö hafði betur gegn Íslendingaliði Djurgården. Guðrún Arnardóttir og Ingibjörg Sigurðardóttir spiluðu allan leikinn í vörn Djurgården en leikurinn tapaðist 3-1. Guðbjörg Gunnarsdóttir var á varamannabekk Djurgården en hún fór í aðgerð í vetur.

Kristianstads gerði 1-1 jafntefli við Linköpings á heimavelli sínum. Sif Atladóttir spilaði allan leikinn fyrir Kristianstad og Svava Rós Guðmundsdóttir var í byrjunarliði Kristianstad.

Hún fór hins vegar af velli fyrir Þórdísi Hrönn Sigfúsdóttur eftir rúmlega klukkutíma leik. Sofia Hagman skoraði mark Kristianstads í leiknum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.