Lífið kynningar

Frábær fjölskylduskemmtun á Secret Solstice

Secret Solstice kynnir
Í samvinnu við borgina verður hátíðin styttri en árin á undan, tónleikadagskráin í dalnum hefst seinna en áður og lýkur hvert kvöld klukkan 23.30, og flóra þeirra listamanna sem koma fram höfðar til breiðari aldurshóps en áður.
Í samvinnu við borgina verður hátíðin styttri en árin á undan, tónleikadagskráin í dalnum hefst seinna en áður og lýkur hvert kvöld klukkan 23.30, og flóra þeirra listamanna sem koma fram höfðar til breiðari aldurshóps en áður. Secret Solstice

Tónlistarveislan Secret Solstice fer fram dagana 21. til 23. júní í Laugardalnum. Áhersla er lögð á fjölskylduvæna skemmtun en aðstandendur hátíðarinnar vinna náið með Reykjavíkurborg að skipulagningu.

Jón Bjarni Steinsson, upplýsingafulltrúi Secret Solstice hlakkar til að taka á móti fjölskyldufólki í Laugardalinn.

„Þetta verður í sjötta sinn sem Secret Solstice fer fram en í ár verður hún með talsvert breyttu sniði,“ segir Jón Bjarni Steinsson, upplýsingafulltrúi Secret Solstice.

„Nýr eigandi er nú að hátíðinni og óformlegt leyfi fékkst frá Reykjavíkurborg í september síðastliðnum og hefur skipulagning staðið yfir síðan. Í samvinnu við borgina verður hátíðin styttri en árin á undan, eða þrír dagar í stað fjögurra, tónleikadagskráin í dalnum hefst seinna en áður og lýkur hvert kvöld klukkan 23.30, og flóra þeirra listamanna sem koma fram höfðar einnig til breiðari aldurshóps en áður. Þá verður aukið eftirlit með því að ungmenni séu ekki skilin eftir án forráðamanna á hátíðinni. Við leggjum áherslu á að Secret Solstice er metnaðarfull tónlistarhátíð en ekki drykkjuhátíð og allir leggjast á eitt um að gera hlutina vel,“ segir Jón. Neikvæð umræða um hátíðina undanfarnar vikur eigi ekki alltaf við rök að styðjast.

Fimm ára farsæl hátíðahöld

„Það er lítill en hávær hópur sem hefur stýrt umræðunni um hátíðina og sú umræða er ekki alltaf rétt. Á þeim fimm árum sem hátíðin hefur farið fram hefur aldrei komið upp alvarlegt slys og aldrei hefur verið tilkynnt um kynferðisbrot. Það er vegna þess að við vöndum okkur,“ segir Jón.

„Secret Solstice er einnig eina hátíðin þar sem kallað er eftir athugaesmdum frá jafn stórum hópi hagmunaaðila ásamt almennum borgurum, því við viljum geta brugðist við og gert betur. Fyrir þetta á Reykjavíkurborg mikið hrós skilið. Við lúslesum allar athugasemdir sem gerðar eru við hátíðina. Við höfum til dæmis reynt að bregðast við kvörtunum um svokölluð „skottpartý“ sem myndast hafa á bílastæði KSÍ, með því að fá leyfi til að loka bílastæðunum. Við fengum það loks í gegn í ár og bílastæðin verða lokuð.“

Aukið eftirlit með yngri gestum

„Síðustu ár hefur verið frítt inn á hátíðina fyrir krakka undir 10 ára en í ár hefur það verið hækkað í 12 ára og yngri. Þá er sú nýbreytni í ár að 12 til 17 ára ungmenni munu geta keypt sérstakan ódýrari ungmennapassa. Þannig verður ódýrara fyrir fjölskyldur að fara saman á hátíðina. Þá verða armböndin fyrir ungmenni í öðrum lit en armbönd fullorðinna, sem auðveldar okkur að sjá og fylgjast með hverjir eru undir 18 ára á svæðinu. Við leggjum mikla áherslu á að ungmenni séu ekki eftirlitslaus á hátíðinni heldur séu stöðugt í fylgd forráðamanns sem er yfir tvítugu.

Það hafa ekki allir farið eftir þessu, fólk hefur verið að skutla krökkunum á hátíðina en skilið þau svo eftir. Við viljum gera allt sem við getum svo að fólk á öllum aldri getið notið þeirrar frábæru tónlistardagskrár sem Secret Solstice hefur uppá að bjóð, enda er stór hópur barna og unglinga sem mæta með foreldrum, öfum og ömmum eða frændum og frænkum til njóta tónlistarinnar. Við vildum ekki láta þann litla hóp sem stendur sig ekki skemma fyrir öllum hinum. Til að fylgja þessum hlutum enn betur eftir verður einnig sú nýbreytni höfð í ár að sækja þarf nýtt armband á hverjum degi sem gefur aðgang að börunum og þannig tryggja það að fólk undir tvítugi fái ekki afgreiðslu.“

Kátt á Klambra sjá um barnasvæðið

„Síðustu  ár hefur verið sérstakt barnasvæði á Secret Solstice, með dagskrá fyrir krakkana, andlitsmálningu og fleira. Umsjónarmenn Kátt á Klambra halda utan um barnasvæðið í ár eins og í fyrra en samstarfið við þau hefur gengið afar vel,“ segir Jón.  „Nú bætum við enn í dagskrána fyrir krakkana og á svæðinu verða til dæmis klessubílar í fyrsta skipti, tívolítæki og margt fleira.

Reykjavíkurborg mun sjá um hreinsun á svæðinu í kringum Laugardalinn og við erum einnig í samvinnu við breskt fyrirtæki sem sérhæfir sig í þrifum á útisamkomum til að sjá um hátíðarsvæðið sjálft. Sú samvinna gekk mjög vel í fyrra og taka má fram að engar kvartanir bárust í fyrra varðandi umgengni og hreinsun á hátíðasvæðinu. Þá höfum við átt í frábæru samstarfi við lögregluna,“ segir Jón.


Frítt inn fyrir börn að sjá Hatara

„Það er svo gaman að benda á það að lokum að hljómsveitin Hatari mun koma fram á aðalsviði hátíðarinnar að kvöldi laugardagsins. Hægt er að kaupa dagspassa á hvern dag og börn 12 ára og yngri fá, eins og áður segir, frítt inn í fylgd með foreldrum sínum. Dagspassinn kostar ekki nema 10.990 krónur og auk Hatara eru á aðalsviðinu það kvöld Jói Pé og Króli ásamt risabandinu Black Eyed Peas. Fjölskylduskemmtunin gerist ekki mikið betri en það,“ segir Jón. „Við hlökkum til þess að taka á móti gestum á öllum aldri í sumar og þá sérstaklega fjölskyldufólki.“

Myndir frá hátíðahöldunum í fyrra má sjá hér fyrir neðan. Miðasala er í fullum gangi á Secretsolstice.is

Þessi kynning er unnin í samstarfi við Secret Solstice.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.