Kvöldfréttir Stöðvar 2 í beinni útsendingu

Dæmi eru um að andlega veikir hælisleitendur, sem hafa fengið neitun um dvalarleyfi, séu sóttir á geðdeild og fluttir úr landi. Fjallað er um málið í kvöldfréttum Stöðvar 2 og rætt við lögmann manns sem átti að sækja á nauðungarvistun á geðdeild síðustu nótt og flytja úr landi.

Fjallað verður áfram um orkupakkann hinn þriðja en útlit er fyrir að fyrstu umræður á Alþingi standi að minnsta kosti alla þessa viku. Við fjöllum um heimsókn Guðna Th. Jóhannessonar, forseta Íslands, til Rússlands og pallborðsumræðum sem hann tók þátt í um samstarf á Norðurslóðum.

Einnig er staðan tekin á Brexit, breikkun Reykjanesbrautar, nýrri loftlagsstefnu Stjórnarráðsins og sjáum hrikalega krúttlega leikskólakrakka syngja á Barnamenningarhátíð Reykjavíkur.

Þetta og margt fleira í kvöldfréttum á samtengdum rásum Stöðvar 2, Bylgjunnar og Vísis kl. 18:30.