Viðskipti innlent

Gaman-Ferðir grípa til uppsagna vegna falls WOW air

Birgir Olgeirsson skrifar
Bragi Hinrik Magnússon, Skúli Mogensen, Þór Bæring og Engilbert Hafsteinsson þegar tilkynnt var árið 2015 að WOW hefði eignast 49 prósent í Gaman-Ferðum.
Bragi Hinrik Magnússon, Skúli Mogensen, Þór Bæring og Engilbert Hafsteinsson þegar tilkynnt var árið 2015 að WOW hefði eignast 49 prósent í Gaman-Ferðum. WOW air

Ferðaskrifstofan Gaman-Ferðir hefur sagt upp hluta starfsfólks síns eftir að WOW air varð gjaldþrota. Flugfélagið átti 49 prósenta hlut í ferðaskrifstofunni en framkvæmdastjóri hennar segir stjórnendurna ætla að vaða í gegnum eld og brennistein til að þurfa ekki að standa við þessar uppsagnir.

Bragi Hinrik Magnússon, annar af tveimur framkvæmdastjórum Gaman-Ferða, segir 15 manns starfa hjá ferðaskrifstofunni en vildi ekki gefa upp hversu mörgum var sagt upp.

Sjá einnig: WOW air eignast helmings hlut í Gaman Ferðum

Hann segir hlut WOW air í Gaman-Ferðum vera hluta af þeim eignum flugfélagsins tilheyra þrotabúi þess og skiptastjóri muni ráða næstu skrefum um hlutinn.

„Uppsagnirnar eru varúðarráðstöfun. Veltan okkar mun minnka eitthvað,“ segir Bragi Hinrik í samtali við Vísi en WOW air var stærsti birgi ferðaskrifstofunnar.

Hann segir merkilegt hvað ferðaskrifstofunni hafa borist mörg símtöl og bókanir í dag.

„Við erum bjartsýnir en verðum að vera skynsamir. Við gerum samt ekki ráð fyrir að nokkur gangi út hjá okkur eftir þrjá mánuði þegar uppsagnarfresturinn er liðinn. Við erum með góðan hóp af starfsfólki og munum berjast í gegnum eld og brennistein til að halda þeim áfram,“ segir Bragi.

Unnið sé með öllum flugfélögum og ekkert sem hindri starfsemi ferðaskrifstofunnar þó svo að WOW air hafi farið í þrot.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
EIM
2,64
22
261.354
ICEAIR
1,56
9
81.326
REGINN
1,4
16
446.712
EIK
1
14
287.832
LEQ
1
2
1.000

Mesta lækkun dagsins


Félag
Br.%
Fjöldi
Velta*
VIS
-3,16
10
134.290
SJOVA
-2,45
5
162.100
MAREL
-1,97
18
936.827
SIMINN
-1,66
6
156.170
FESTI
-1,5
6
255.290
Velkomin á Vísi. Þessi vefur notar vafrakökur. Sjá nánar.