Sport

Serena hætti áður en það leið yfir hana

Henry Birgir Gunnarsson skrifar
Serena gengur svekkt af velli í nótt.
Serena gengur svekkt af velli í nótt. vísir/getty
Hin 37 ára gamla tenniskona Serena Williams varð í nótt að hætta í miðjum leik á Indian Wells þar sem henni leið afar illa.

Hún var að spila við Garbine Muguraza og hafði tapað fyrsta settinu, 6-3, og var 1-0 undir í öðru setti er hún hætti.

Serena byrjaði vel með því að vinna fyrstu þrjár loturnar en þá var eins og einhver hefði tekið tappann úr baðinu því það var allur vindur úr henni.

„Mér leið ekki vel fyrir leikinn og það versnaði svo bara með hverri sekúndu. Ég var með mikinn svima og algjörlega orkulaus. Líkaminn sagði nei og ég varð að hætta,“ sagði þessi besta tenniskona allra tíma.




Fleiri fréttir

Sjá meira


×