Innlent

Hríð og versnandi akstursskilyrði í dag

Kjartan Kjartansson skrifar
Spáð er versnandi akstursskilyrðum á landinu í dag. Myndin er úr safni.
Spáð er versnandi akstursskilyrðum á landinu í dag. Myndin er úr safni.

Gul veðurviðvörun er í gildi fyrir Vestfirði og Austurland þar sem spáð er norðaustan hvassviðri með éljum og skafrenningi síðdegis. Búast má við lélegu skyggni og versnandi akstursskilyrðum. Draga á úr vindi og úrkomu í nótt og í fyrramálið.

Veðurstofan spáir vaxandi norðaustanátt með 13-23 metrum á sekúndu síðdegis, hvössustu norðvestantil og við suðausturstöndina. Gert er ráð fyrir snjókomu eða éljum norðantil, slyddu við austurströndina en þurru sunnan- og vestanlands.

Á morgun á að draga úr vindi og er spáð 8-15 metrum á sekúndu og dálitlum éljum norðaustantil eftir hádegi. Létta á til sunnan- og vestanlands. Frost verður á bilinu núll til átta gráður, kaldast inn til landsins en víða frostlaust við sjávarsíðuna yfir daginn, mildast sunnantil.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.