Anníe Mist keppir ekki á CrossFit mótinu í Reykjavík í maí
Anníe Mist Þórisdóttir tilkynnti það í gær á kynningu á þriðju æfingunni í CrossFit Games Open í Perlunni að hún muni ekki keppa á stóra alþjóðlega CrossFit mótinu fer fram í Reykjavík í byrjun maí.
Sigurvegarar á CrossFit mótinu í Reykjavík tryggja sér sæti á heimsleikunum Madison í haust en þær Katrín Tanja Davíðsdóttir (í Suður-Afríku) og Ragnheiður Sara Sigmundsdóttir (í London) hafa báðar tryggt sér farseðil með sigri á slíku móti erlendis.
„Nei ég mun ekki keppa á þessu móti aðallega vegna þess að ég reyni að vinna allar mínar keppnir og ef ég myndi vinna þessa keppni þá yrði alltaf sett spurningarmerki við þann sigur. Þótt ég kæmi ekkert nálægt skipulagi keppninnar þá yrði þetta dálítið ósanngjarnt,“ sagði Anníe Mist.
Anníe Mist er í aðalhlutverki hjá CrossFit Reykjavík sem heldur mótið. Hún vill ekki vera sökuð um að að nýta sér aðstöðu sína.
Eitt af grunngildum CrossFit móta í dag er að geta komið keppendum á óvart með sérstökum æfingum sem þeir hafa ekki getað undirbúið sig beint fyrir. Þá er von á öllu og keppandi í innsta hring ætti kannski að vita meira en aðrir.
„Ég mun ekki keppa á þessu móti en ég mun vera á gólfinu. Við gerum eitthvað virkilega svalt,“ sagði Anníe Mist um mótið í Perlunni í nótt.
Anníe Mist Þórisdóttir hefur keppt á fimm síðustu heimsleikum og alls níu sinnum á heimsleikunum á síðustu tíu árum. Heimsleikarnir í ár geta orðið hennar tíundu á ferlinum.
Hún hefur unnið tvisvar sinnum (2011 og 2012) og alls komist fimm sinnum á verðlaunapall en hún varð önnur 2010 og 2014 og tók síðan bronsið árið 2017.
CrossFit mótið í Reykjavík, Reykjavik CrossFit Championship, fer fram frá 3. til 5. maí 2019.
Tengdar fréttir
Sjáðu beinu CrossFit útsendinguna frá Perlunni í nótt
Það var mikið um að vera í Perlunni í nótt þegar CrossFit samtökin voru með beina útsendingu frá kynningu á þriðju æfingunni í CrossFit Games Open. Fyrir þá sem misstu af fjörinu þá er hægt að horfa aftur á þessa fróðlegu útsendingu.
Keppt í CrossFit um miðja nótt í Perlunni
Björgvin Karl Guðmundsson og Frederik Aegidius munu keppa í CrossFit á snúningsgólfinu á efstu hæð í Perlunni aðfaranótt föstudags.
Katrín Tanja æfði með þeim bestu í heimi
Katrín Tanja Davíðsdóttir æfði með konunni sem tók af henni titilinn og hefur ekki látið hann af hendi síðan.
„Bless London, halló Madison“
Klaufalegu mistökin sem strítt hafa Söru Sigmundsdóttur á mikilvægum Cross Fit mótum í gegnum tíðina voru hvergi sjáanleg í London um helgina.
Katrín Tanja: Ég er heppnasta stelpa í heimi
Katrín Tanja Davíðsdóttir er himinlifandi með þjálfara sinn Ben Bergeron og umboðsmanninn sinn Matt O'Keefe og skrifar þakkarpistil til þeirra á Instagram.
Hrósar Katrínu Tönju: Fengu að sjá meistarann sem þau komu til að sjá
Katrín Tanja Davíðsdóttir stóðst pressuna og tryggði sér glæsilegan sigur á CrossFit mótinu "Fittest in Cape Town“ um síðustu helgi. Sigurinn færði henni sæti á heimsleikunum næsta haust.
Katrín Tanja: Nú getum við verið vinir aftur
Katrín Tanja Davíðsdóttir varð um helgina fyrsti íslenski CrossFit keppandinn til að tryggja sér farseðilinn á heimsleikana í Madison í ágúst.
