R. Kelly handtekinn í Chicago
Bandaríski tónlistarmaðurinn R. Kelly hefur gefið sig fram við lögregluyfirvöld í Chicago eftir að handtökuskipun var gefin út á hendur honum í gær.
R&B-tónlistarmaðurinn hefur verið ákærður fyrir tíu kynferðisbrot en samkvæmt heimildum breska ríkisútvarpsins BBC eru níu af tíu gegn stúlkum undir lögaldri.
Fjölmargar konur hafa á undanförnum árum stigið fram og borið R. Kelly þungum sökum. Hann hefur staðfastlega neitað sök. Lögfræðingur hans segir að R. Kelly sé í taugaáfalli vegna nýjustu vendinga í málinu.
Kynferðisbrotin sem R. Kelly er ákærður fyrir spanna rúman áratug eða á milli ársins 1998 til 2010. Þrjár stúlkur sem urðu fyrir brotunum voru á milli 13 og 16 ára þegar brotin áttu sér stað. Samkvæmt dómsmálaráðherra Illinois getur R. Kelly átt von á þriggja til allt að sjö ára fangelsisdómi verði hann sakfelldur.
Tengdar fréttir
Handtökuskipun vegna kynferðisbrota gefin út gegn R. Kelly
Saksóknarar í Illinois hafa gefið út ákæru í tíu liðum vegna alvarlegra kynferðisbrota gegn unglingsstúlkum.
Tvær konur til viðbótar saka R.Kelly um kynferðisbrot
Tvær konur, þær Rochelle Washington og Latresa Scaff, hafa nú stigið fram og lýst kynferðisofbeldi sem þær segja að bandaríski tónlistarmaðurinn Robert Sylvester Kelly, betur þekktur sem R.Kelly, hafi beitt þær á tíunda áratug síðustu aldar.
„Öllum var sama því við vorum svartar stelpur“
Fjöldi kvenna hefur undanfarin misseri stigið fram og sakað bandaríska R&B-tónlistarmanninn R Kelly um kynferðislegt, líkamlegt og andlegt ofbeldi.
