Bikaróði formaðurinn Benedikt Bóas skrifar 17. október 2019 15:45 Kristinn er fluttur aftur að KR-svæðinu eftir nokkur ár í Grafarholti. Fréttablaðið/Ernir „Allir titlarnir eru auðvitað manni kærir. Titillinn 1999 var einstakur á svo margan hátt. Á Eiðistorgi voru mörg þúsund manns að fagna. Stelpurnar vinna tvöfalt og Atli Eðvaldsson í rykfrakkanum á hliðarlínunni. Hann var eftirminnilegur sá titill en þessi nýjasti er einstaklega sætur fyrir margar sakir,“ segir Kristinn Kjærnested, formaður knattspyrnudeildar KR. Kristinn ætlar ekki að sækjast eftir endurkjöri á næsta aðalfundi sem fer fram í febrúar. Hann kom inn í stjórn knattspyrnudeildarinnar árið 1999 og varð formaður 2008. Kristinn fagnaði sjö sinnum Íslandsmeistaratitli karlamegin, auk þess að verða sex sinnum bikarmeistari. Fimm sinnum karlamegin og einu sinni kvennamegin. „Ég er bara búinn með minn tíma og ætla nú að njóta þess að vera á leikjum KR. Mæta kannski klukkutíma fyrir leik sem verður töluverð breyting. Ég hef alltaf mætt tímanlega fyrir alla leiki – heimaleiki sérstaklega. Þetta verður án efa skrýtið enda búið að vera stór hluti af lífi mínu í langan tíma. Trúlega veit ég ekkert hvernig ég á að vera – það kemur bara í ljós,“ segir hann léttur.Kristinn Kjærnested og Björn Einarsson, formenn knattspyrnudeilda KR og Víkings, vinna saman. Fréttablaðið/Anton BrinkHann mun sinna formennskunni fram til febrúar og er að klára ýmis mál ásamt félögum sínum. Eftir það mun hann ganga út í sólsetrið. Þegar litið er yfir feril Kristins í stjórn og sem formaður kemur margt áhugavert í ljós. Hann hefur ekki aðeins verið duglegur að lyfta bikurum því á hans vakt fór KR-útvarpið í loftið og lýsti Kristinn flestum leikjum KR fyrsta árið. KR samdi við Sigurvin Ólafsson í beinni útsendingu í Heklusporti og ýmislegt fleira sem önnur lið hafa reynt að apa eftir. „Það er frábært að útvarpið sé enn við lýði. Þangað hafa komið þjálfarar andstæðinganna fyrir leik og það er margt vel gert. Við lýstum öllum leikjum í Evrópukeppninni, þannig gátu okkar stuðningsmenn fengið þá leiki beint í æð því það var oft erfitt að sjá þessa leiki í fyrstu umferð í beinni útsendingu.“ Talandi um Evrópukeppnina þá segir Kristinn það vera gott aukakrydd í tilveruna á stuttu íslensku sumri. Hann hefur farið með liðinu víða um Evrópu og segist eiga margar góðar minningar á þessum 20 árum. „Við unnum Zilina einu sinni sem hafði verið í Meistaradeildinni með Chelsea og Marseille. Við höfum spilað okkar heimaleiki á KR-vellinum en ekki í Laugardalnum sem er ákveðið forskot að mínu mati. Mér er minnisstætt þegar við spiluðum við Basel og Fram átti heimaleik á sama tíma. Helmingur stuðningsmanna Basel birtist í Laugardalnum og kom 20 mínútum of seint í Frostaskjól. Þá vorum við 2-0 yfir.KR vann Pepsi Max deildina með yfirburðum. Fréttablaðið/Sigtryggur AriÞað er gaman að koma til þessara borga og þessara landa sem maður myndi ekki gera að öllu óbreyttu. Það var gaman að spila við Celtic, sjá van Dijk henda Gary Martin til og frá. Það er alltaf gaman að fara utan og ná í góð úrslit þó við höfum líka farið sneypufarir. Það sem stendur þó upp úr er að sjá hvað þetta þjappar hópnum saman.“ Kristinn hefur haldið með KR frá blautu barnsbeini. Fyrsti leikurinn sem hann fór á var þó ekki með KR heldur viðureign ÍA og Breiðabliks. „Þegar ég var fimm ára bjó ég eitt ár hjá ömmu og afa þegar foreldrar mínir voru að byggja úti á Seltjarnarnesi. Þá fór pabbi með mig á völlinn á viðureign ÍA og Breiðabliks. Ég var svo hrifinn af gulum búningum, hafði nýlega séð Arsenal vinna Manchester United. Siggi frændi minn, sem bjó í kjallaranum hjá ömmu og afa, var ekki sáttur við þetta og keypti handa mér KR-búning. Sagði að ég ætti að halda með KR og Liverpool sem ég og gerði. Ég fylgdi því og þetta er eiginlega honum að kenna – eða þakka öllu heldur.“ Eftir 20 ár og 19 stóra titla er komið að leiðarlokum og segist Kristinn geta litið nokkuð stoltur í baksýnisspegilinn. Hann viðurkennir að hafa stundum hugsað að eitthvað hefði átt að gera svona eða hinsegin. Umtalið um KR hefur alltaf verið mikið og það eru mörg símtölin sem formaðurinn hefur tekið við KR-inga í gegnum tíðina. Það er þó eiginlega bara eitt sem nísti inn að beini á öllum þessum árum. „Ég tók það inn á mig þegar stelpurnar okkar féllu hér um árið. Það var sárt. Maður hefur eiginlega verið viðkvæmastur fyrir umræðunni um stelpurnar – að við séum ekki að gera nóg. Þar erum við að gera okkar besta. Skoðanir á því sem við erum að gera eru alltaf miklar og það verður alltaf þannig í KR. Það hafa allir rétt á sinni skoðun. En þessir frábæru einstaklingar sem hafa verið og eru áfram hafa alltaf sett KR í fyrsta sætið – ég fullyrði það.“ Birtist í Fréttablaðinu Pepsi Max-deild karla Reykjavík Tímamót Mest lesið Uppgjörið: Grindavík - Stjarnan 95-92 | Grindavík á lífi eftir dramatíska endurkomu Körfubolti Í beinni: Valur - Afturelding | Leikur upp á líf og dauða Handbolti Birti myndir af fólki, kalli það illum nöfnum og saki um einelti á meðan Körfubolti Brynjar Karl svarar fyrir sig: „Ég má ekki verja mig opinberlega“ Körfubolti Kenndi dómaranum um eftir tap Athletic Bilbao fyrir United Fótbolti Fagnaðarlæti Púlara mældust á jarðskjálftamælum Enski boltinn Draumaendir Bjarka á ferlinum: „Loksins fann ég þjálfara sem virkilega skildi mig“ Íslenski boltinn Sjáðu sigurmark Gísla gegn Veszprém Handbolti Gleðin við völd í Grindavík: „Áður en við vitum af verður allt komið á fullt aftur“ Sport Juventus-parið hætt saman Fótbolti Fleiri fréttir „Finnst þessir fyrstu tveir leikir hræðilegir“ Draumaendir Bjarka á ferlinum: „Loksins fann ég þjálfara sem virkilega skildi mig“ „Fannst ekkert gerast nema Fanndís væri að gera eitthvað“ „Hvað eru menn búnir að láta fífla sig út í?“ Vilja að Arna elti stóru systur: „Þær eru svakalegir íþróttamenn“ Sjáðu sjálfsmarkið sem skipti sköpum og fyrstu mörk Lífar Fylki og Keflavík spáð sigri í Lengjudeildunum Stokke í raðir Aftureldingar Bikarvörnin hefst gegn Fram „Held að Víkingar hafi keypt rangan framherja úr HK“ Bjarki um gjaldþrotið: „Þú ert niðurlægður á ákveðinn hátt“ Stúkan um Stjörnuna: „Er algjört kjaftæði“ Arnór Borg í Vestra og Fram fann markmann Víkingur fær leikmann úr dönsku B-deildinni „Fannst við halda góðri stjórn á leiknum“ Uppgjörið: Breiðablik - Fram 7-1 | Upprúllun í Kópavogi Uppgjörið: Víkingur R. - Þróttur R. 0-1 | Óheppilegt sjálfsmark skilaði gestunum sigri Hin þaulreynda Anna Björk heim í KR Henríetta lánuð til Þór/KA Aftur heim í Stjörnuna eftir dvöl hjá FH Gylfi valdið mestum vonbrigðum Telma mætt aftur með gullhanskann í Breiðablik Fagnaði tvítugsafmæli í gær og lánaður til FH í dag Stærsti sigur KR á ÍA í deildarleik Sannfærðir um að FH verði í fallbaráttu „Jæja Heimir, þú verður að hjálpa mér að enda þetta vel“ Sjáðu vítin á Hlíðarenda, skrautleg mörk í Garðabæ og umdeilt mark Fram TikTok-stjarna ÍBV dælir út efni frá Eyjum „Þetta var erfitt og maður var aldrei rólegur“ Vilja Gylfa Þór ekki til baka: „Enginn skilaréttur“ Sjá meira
„Allir titlarnir eru auðvitað manni kærir. Titillinn 1999 var einstakur á svo margan hátt. Á Eiðistorgi voru mörg þúsund manns að fagna. Stelpurnar vinna tvöfalt og Atli Eðvaldsson í rykfrakkanum á hliðarlínunni. Hann var eftirminnilegur sá titill en þessi nýjasti er einstaklega sætur fyrir margar sakir,“ segir Kristinn Kjærnested, formaður knattspyrnudeildar KR. Kristinn ætlar ekki að sækjast eftir endurkjöri á næsta aðalfundi sem fer fram í febrúar. Hann kom inn í stjórn knattspyrnudeildarinnar árið 1999 og varð formaður 2008. Kristinn fagnaði sjö sinnum Íslandsmeistaratitli karlamegin, auk þess að verða sex sinnum bikarmeistari. Fimm sinnum karlamegin og einu sinni kvennamegin. „Ég er bara búinn með minn tíma og ætla nú að njóta þess að vera á leikjum KR. Mæta kannski klukkutíma fyrir leik sem verður töluverð breyting. Ég hef alltaf mætt tímanlega fyrir alla leiki – heimaleiki sérstaklega. Þetta verður án efa skrýtið enda búið að vera stór hluti af lífi mínu í langan tíma. Trúlega veit ég ekkert hvernig ég á að vera – það kemur bara í ljós,“ segir hann léttur.Kristinn Kjærnested og Björn Einarsson, formenn knattspyrnudeilda KR og Víkings, vinna saman. Fréttablaðið/Anton BrinkHann mun sinna formennskunni fram til febrúar og er að klára ýmis mál ásamt félögum sínum. Eftir það mun hann ganga út í sólsetrið. Þegar litið er yfir feril Kristins í stjórn og sem formaður kemur margt áhugavert í ljós. Hann hefur ekki aðeins verið duglegur að lyfta bikurum því á hans vakt fór KR-útvarpið í loftið og lýsti Kristinn flestum leikjum KR fyrsta árið. KR samdi við Sigurvin Ólafsson í beinni útsendingu í Heklusporti og ýmislegt fleira sem önnur lið hafa reynt að apa eftir. „Það er frábært að útvarpið sé enn við lýði. Þangað hafa komið þjálfarar andstæðinganna fyrir leik og það er margt vel gert. Við lýstum öllum leikjum í Evrópukeppninni, þannig gátu okkar stuðningsmenn fengið þá leiki beint í æð því það var oft erfitt að sjá þessa leiki í fyrstu umferð í beinni útsendingu.“ Talandi um Evrópukeppnina þá segir Kristinn það vera gott aukakrydd í tilveruna á stuttu íslensku sumri. Hann hefur farið með liðinu víða um Evrópu og segist eiga margar góðar minningar á þessum 20 árum. „Við unnum Zilina einu sinni sem hafði verið í Meistaradeildinni með Chelsea og Marseille. Við höfum spilað okkar heimaleiki á KR-vellinum en ekki í Laugardalnum sem er ákveðið forskot að mínu mati. Mér er minnisstætt þegar við spiluðum við Basel og Fram átti heimaleik á sama tíma. Helmingur stuðningsmanna Basel birtist í Laugardalnum og kom 20 mínútum of seint í Frostaskjól. Þá vorum við 2-0 yfir.KR vann Pepsi Max deildina með yfirburðum. Fréttablaðið/Sigtryggur AriÞað er gaman að koma til þessara borga og þessara landa sem maður myndi ekki gera að öllu óbreyttu. Það var gaman að spila við Celtic, sjá van Dijk henda Gary Martin til og frá. Það er alltaf gaman að fara utan og ná í góð úrslit þó við höfum líka farið sneypufarir. Það sem stendur þó upp úr er að sjá hvað þetta þjappar hópnum saman.“ Kristinn hefur haldið með KR frá blautu barnsbeini. Fyrsti leikurinn sem hann fór á var þó ekki með KR heldur viðureign ÍA og Breiðabliks. „Þegar ég var fimm ára bjó ég eitt ár hjá ömmu og afa þegar foreldrar mínir voru að byggja úti á Seltjarnarnesi. Þá fór pabbi með mig á völlinn á viðureign ÍA og Breiðabliks. Ég var svo hrifinn af gulum búningum, hafði nýlega séð Arsenal vinna Manchester United. Siggi frændi minn, sem bjó í kjallaranum hjá ömmu og afa, var ekki sáttur við þetta og keypti handa mér KR-búning. Sagði að ég ætti að halda með KR og Liverpool sem ég og gerði. Ég fylgdi því og þetta er eiginlega honum að kenna – eða þakka öllu heldur.“ Eftir 20 ár og 19 stóra titla er komið að leiðarlokum og segist Kristinn geta litið nokkuð stoltur í baksýnisspegilinn. Hann viðurkennir að hafa stundum hugsað að eitthvað hefði átt að gera svona eða hinsegin. Umtalið um KR hefur alltaf verið mikið og það eru mörg símtölin sem formaðurinn hefur tekið við KR-inga í gegnum tíðina. Það er þó eiginlega bara eitt sem nísti inn að beini á öllum þessum árum. „Ég tók það inn á mig þegar stelpurnar okkar féllu hér um árið. Það var sárt. Maður hefur eiginlega verið viðkvæmastur fyrir umræðunni um stelpurnar – að við séum ekki að gera nóg. Þar erum við að gera okkar besta. Skoðanir á því sem við erum að gera eru alltaf miklar og það verður alltaf þannig í KR. Það hafa allir rétt á sinni skoðun. En þessir frábæru einstaklingar sem hafa verið og eru áfram hafa alltaf sett KR í fyrsta sætið – ég fullyrði það.“
Birtist í Fréttablaðinu Pepsi Max-deild karla Reykjavík Tímamót Mest lesið Uppgjörið: Grindavík - Stjarnan 95-92 | Grindavík á lífi eftir dramatíska endurkomu Körfubolti Í beinni: Valur - Afturelding | Leikur upp á líf og dauða Handbolti Birti myndir af fólki, kalli það illum nöfnum og saki um einelti á meðan Körfubolti Brynjar Karl svarar fyrir sig: „Ég má ekki verja mig opinberlega“ Körfubolti Kenndi dómaranum um eftir tap Athletic Bilbao fyrir United Fótbolti Fagnaðarlæti Púlara mældust á jarðskjálftamælum Enski boltinn Draumaendir Bjarka á ferlinum: „Loksins fann ég þjálfara sem virkilega skildi mig“ Íslenski boltinn Sjáðu sigurmark Gísla gegn Veszprém Handbolti Gleðin við völd í Grindavík: „Áður en við vitum af verður allt komið á fullt aftur“ Sport Juventus-parið hætt saman Fótbolti Fleiri fréttir „Finnst þessir fyrstu tveir leikir hræðilegir“ Draumaendir Bjarka á ferlinum: „Loksins fann ég þjálfara sem virkilega skildi mig“ „Fannst ekkert gerast nema Fanndís væri að gera eitthvað“ „Hvað eru menn búnir að láta fífla sig út í?“ Vilja að Arna elti stóru systur: „Þær eru svakalegir íþróttamenn“ Sjáðu sjálfsmarkið sem skipti sköpum og fyrstu mörk Lífar Fylki og Keflavík spáð sigri í Lengjudeildunum Stokke í raðir Aftureldingar Bikarvörnin hefst gegn Fram „Held að Víkingar hafi keypt rangan framherja úr HK“ Bjarki um gjaldþrotið: „Þú ert niðurlægður á ákveðinn hátt“ Stúkan um Stjörnuna: „Er algjört kjaftæði“ Arnór Borg í Vestra og Fram fann markmann Víkingur fær leikmann úr dönsku B-deildinni „Fannst við halda góðri stjórn á leiknum“ Uppgjörið: Breiðablik - Fram 7-1 | Upprúllun í Kópavogi Uppgjörið: Víkingur R. - Þróttur R. 0-1 | Óheppilegt sjálfsmark skilaði gestunum sigri Hin þaulreynda Anna Björk heim í KR Henríetta lánuð til Þór/KA Aftur heim í Stjörnuna eftir dvöl hjá FH Gylfi valdið mestum vonbrigðum Telma mætt aftur með gullhanskann í Breiðablik Fagnaði tvítugsafmæli í gær og lánaður til FH í dag Stærsti sigur KR á ÍA í deildarleik Sannfærðir um að FH verði í fallbaráttu „Jæja Heimir, þú verður að hjálpa mér að enda þetta vel“ Sjáðu vítin á Hlíðarenda, skrautleg mörk í Garðabæ og umdeilt mark Fram TikTok-stjarna ÍBV dælir út efni frá Eyjum „Þetta var erfitt og maður var aldrei rólegur“ Vilja Gylfa Þór ekki til baka: „Enginn skilaréttur“ Sjá meira