Mikill munur á verði matvöru netverslana Sigurður Mikael Jónsson skrifar 26. apríl 2019 06:00 Nettó reyndist oftast vera með lægsta verðið í athugun Fréttablaðsins. Fréttablaðið/Pjetur Það getur verið tæplega 200 prósenta verðmunur á milli verslana með matvöru á netinu hér á landi. Samkvæmt verðkönnun Fréttablaðsins reyndist netmatvöruverslunin Boxið oftast með hæsta verðið en oftast munar tiltölulega litlu á verði Heimkaupa og Nettó. Að kaupa í matinn á netinu hefur notið sívaxandi vinsælda hér á landi þó að markaðurinn sé heldur nýr af nálinni og enn að slíta barnsskónum ef svo má segja. Hagkaup gerði tilraunir með netverslun en hún virðist hafa lagst af en Boxið hóf innreið sína á þennan markað haustið 2016. Um ári síðar hleypti Nettó sinni netverslun af stokkunum í gegnum markaðstorgið aha.is og Heimkaup.is, stærsta netverslun landsins, hefur svo komið sterk inn undanfarið. Verð á matvöru er áþekkt í netverslunum Heimkaupa og Nettó. Í samanburði Fréttablaðsins var Nettó þó oftar með lægra verð og fleiri vörur úr matarkörfu Fréttablaðsins fáanlegar þar. Einn af helstu kostum þess að kaupa matvöru á netinu er tímasparnaðurinn sem felst í því að losna við búðarferðina sjálfa og svo er hægt að fá vörunum ekið heim að dyrum gegn gjaldi en ef verslað er fyrir meira en tiltekna upphæð býðst frí heim sending á höfuðborgarsvæðinu. Þessi upphæð er mismunandi milli verslana. Heimkaup býður best, eða fría heimsendingu á öllum pöntunum yfir 4.900 krónum. Boxið býður upp á fría heimsendingu á pöntunum yfir 10 þúsund en Nettó 15 þúsund. Vörukarfa Fréttablaðsins byggir á völdum vörum úr verðlagseftirliti ASÍ. Hefur blaðið notað þessa vörukörfu áður við verðkannanir hjá matvöruverslunum.Verðkönnunin var gerð að morgni þriðjudagsins 23. apríl. Sem dæmi má nefna að mestur er verðmunurinn á 415 gramma dós af bökuðum baunum frá Heinz sem er nærri þrefalt dýrari hjá Heimkaupum en í Nettó. Kílóverð af banönum er 56 prósentum hærra hjá Boxinu en bæði Nettó og Heimkaupum. Rúmlega 51 prósents munur er á lægsta kílóverði rauðra epla hjá Nettó og Heimkaupum, Nettó í vil. 500 grömm af óhrærðu MS Ísey skyri er 33 prósentum ódýrara hjá Nettó en Boxinu og þá munar ríflega 30 prósentum á lægsta kílóverðinu á fersku nautahakki. Guðmundur Magnason, framkvæmdastjóri Heimkaupa, segir vöxtinn í verslun með matvöru á netinu hafa verið mikinn en samkeppnin sé það sömuleiðis. „Til þess að geta boðið samkeppnishæf verð flytjum við sjálf inn nánast allt nema innlendu framleiðsluvöruna. Það sem fólk þarf að hafa í huga er að meðan birgjarnir fylla á stórmarkaðina, viðskiptavinirnir tína til vörurnar, setja þær í poka og keyra þær sjálfir heim, þá gerum við þetta allt saman fyrir fólk og innifalið í verðinu.“ Þeir sem binda vonir við að lágverðsverslanir á borð við Bónus ætli sér inn á netmarkaðinn á næstunni gætu þurft að bíða aðeins lengur. Guðmundur Marteinsson, framkvæmdastjóri Bónuss, segir þennan verslunarmáta framtíðarinnar mikið hafa verið skoðaðan þar. „Eins og staðan er núna er þetta kostnaðarsamt. Við getum ekki tekið til vörur upp í pantanir á þeirri álagningu sem við erum að vinna á. Það er bara eitt verð í Bónus og við ætlum ekki að flækja þetta. En við höfum skoðað þetta vel og þetta mun í framtíðinni verða valkostur. Birtist í Fréttablaðinu Matur Neytendur Tækni Mest lesið Stofnandi Binance dæmdur fyrir peningaþvætti Viðskipti erlent Þarf að greiða kortareikninginn og meira til í málskostnað Neytendur Krökkunum finnst hálf hallærislegt að mamman kunni Friends þættina utan að Atvinnulíf Tekjur Apple drógust saman enn eina ferðina Viðskipti erlent Krónísk óstundvísi: Skýringar og góð ráð Atvinnulíf Matvöruverslun og íbúðir steinsnar frá Keflavíkurflugvelli Viðskipti innlent Frumkvöðlar koma saman í Kolaportinu Viðskipti innlent Röntgen Domus og Orkuhúsið fá ekki að sameinast Viðskipti innlent Dýrmætustu og sjaldgæfustu Mustang bílar landsins á afmælissýningu Mustang Samstarf Viljinn tekinn til gjaldþrotaskipta Viðskipti innlent Fleiri fréttir Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Sjá meira
Það getur verið tæplega 200 prósenta verðmunur á milli verslana með matvöru á netinu hér á landi. Samkvæmt verðkönnun Fréttablaðsins reyndist netmatvöruverslunin Boxið oftast með hæsta verðið en oftast munar tiltölulega litlu á verði Heimkaupa og Nettó. Að kaupa í matinn á netinu hefur notið sívaxandi vinsælda hér á landi þó að markaðurinn sé heldur nýr af nálinni og enn að slíta barnsskónum ef svo má segja. Hagkaup gerði tilraunir með netverslun en hún virðist hafa lagst af en Boxið hóf innreið sína á þennan markað haustið 2016. Um ári síðar hleypti Nettó sinni netverslun af stokkunum í gegnum markaðstorgið aha.is og Heimkaup.is, stærsta netverslun landsins, hefur svo komið sterk inn undanfarið. Verð á matvöru er áþekkt í netverslunum Heimkaupa og Nettó. Í samanburði Fréttablaðsins var Nettó þó oftar með lægra verð og fleiri vörur úr matarkörfu Fréttablaðsins fáanlegar þar. Einn af helstu kostum þess að kaupa matvöru á netinu er tímasparnaðurinn sem felst í því að losna við búðarferðina sjálfa og svo er hægt að fá vörunum ekið heim að dyrum gegn gjaldi en ef verslað er fyrir meira en tiltekna upphæð býðst frí heim sending á höfuðborgarsvæðinu. Þessi upphæð er mismunandi milli verslana. Heimkaup býður best, eða fría heimsendingu á öllum pöntunum yfir 4.900 krónum. Boxið býður upp á fría heimsendingu á pöntunum yfir 10 þúsund en Nettó 15 þúsund. Vörukarfa Fréttablaðsins byggir á völdum vörum úr verðlagseftirliti ASÍ. Hefur blaðið notað þessa vörukörfu áður við verðkannanir hjá matvöruverslunum.Verðkönnunin var gerð að morgni þriðjudagsins 23. apríl. Sem dæmi má nefna að mestur er verðmunurinn á 415 gramma dós af bökuðum baunum frá Heinz sem er nærri þrefalt dýrari hjá Heimkaupum en í Nettó. Kílóverð af banönum er 56 prósentum hærra hjá Boxinu en bæði Nettó og Heimkaupum. Rúmlega 51 prósents munur er á lægsta kílóverði rauðra epla hjá Nettó og Heimkaupum, Nettó í vil. 500 grömm af óhrærðu MS Ísey skyri er 33 prósentum ódýrara hjá Nettó en Boxinu og þá munar ríflega 30 prósentum á lægsta kílóverðinu á fersku nautahakki. Guðmundur Magnason, framkvæmdastjóri Heimkaupa, segir vöxtinn í verslun með matvöru á netinu hafa verið mikinn en samkeppnin sé það sömuleiðis. „Til þess að geta boðið samkeppnishæf verð flytjum við sjálf inn nánast allt nema innlendu framleiðsluvöruna. Það sem fólk þarf að hafa í huga er að meðan birgjarnir fylla á stórmarkaðina, viðskiptavinirnir tína til vörurnar, setja þær í poka og keyra þær sjálfir heim, þá gerum við þetta allt saman fyrir fólk og innifalið í verðinu.“ Þeir sem binda vonir við að lágverðsverslanir á borð við Bónus ætli sér inn á netmarkaðinn á næstunni gætu þurft að bíða aðeins lengur. Guðmundur Marteinsson, framkvæmdastjóri Bónuss, segir þennan verslunarmáta framtíðarinnar mikið hafa verið skoðaðan þar. „Eins og staðan er núna er þetta kostnaðarsamt. Við getum ekki tekið til vörur upp í pantanir á þeirri álagningu sem við erum að vinna á. Það er bara eitt verð í Bónus og við ætlum ekki að flækja þetta. En við höfum skoðað þetta vel og þetta mun í framtíðinni verða valkostur.
Birtist í Fréttablaðinu Matur Neytendur Tækni Mest lesið Stofnandi Binance dæmdur fyrir peningaþvætti Viðskipti erlent Þarf að greiða kortareikninginn og meira til í málskostnað Neytendur Krökkunum finnst hálf hallærislegt að mamman kunni Friends þættina utan að Atvinnulíf Tekjur Apple drógust saman enn eina ferðina Viðskipti erlent Krónísk óstundvísi: Skýringar og góð ráð Atvinnulíf Matvöruverslun og íbúðir steinsnar frá Keflavíkurflugvelli Viðskipti innlent Frumkvöðlar koma saman í Kolaportinu Viðskipti innlent Röntgen Domus og Orkuhúsið fá ekki að sameinast Viðskipti innlent Dýrmætustu og sjaldgæfustu Mustang bílar landsins á afmælissýningu Mustang Samstarf Viljinn tekinn til gjaldþrotaskipta Viðskipti innlent Fleiri fréttir Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Sjá meira