Lögmaður starfsmannaleigunnar Manngildis sver fyrir aðkomu eigandans að vegabréfafölsun Kolbeinn Tumi Daðason skrifar 9. október 2018 14:20 Tryggvi Agnarsson, lögmaður Manngildis. Vísir/Jói K Eigandi Manngildis, Ingimar Skúli Sævarsson, er meðal þeirra níu sem handteknir voru í morgun í umfangsmiklum aðgerðum lögreglunnar á höfuðborgarsvæðinu við rannsókn á útgáfu á fölsuðum skilríkjum. Lögmaður hans segir augljóst mál að Ingimar Skúli sé saklaus en það sýni tímasetningar í málinu. Ingimar hafi hvergi komið nálægt fölsun og eigi enga aðild að málinu. Athugasemd ritstjórnar: Viðtalið við Tryggva var tekið áður en lögregla leiðrétti fyrri tilkynningu þar sem fram kom að kennitölunum hefði verði úthlutað um mitt ár í fyrra. Hið rétta er að þeim var úhlutað á þessu ári. Skrifstofur Manngildis í Auðbrekku í KópavogVísir/Vilhelm Lögregla blés í herlúðra í morgun og handtók tíu karlmenn, níu erlenda og einn íslenskan, við rannsókn á vegabréfafölsun. Handtókur fóru fram snemma dags á tveimur stöðum á höfuðborgarsvæðinu. Þá voru gerðar húsleitir og hald lagt á gögn. Tryggvi Agnarsson, lögmaður Ingimars Skúla, segir skjólstæðing sinn hafa mætt til vinnu í morgun og verið handtekinn á staðnum. Ingimar Skúli hafi verið færður til skýrslutöku en sleppt að henni lokinni. Tryggvi segist ekki hafa átt kost á því að vera viðstaddur skýrslutökuna en Ingimar Skúli hafi ekki fengið upplýsingar um hvenær meint brot eigi að hafa átt sér stað. Í framhaldinu hafi þeir séð í fréttatilkynningu frá lögreglu í dag að mennirnir hafi fengið úthlutaðri kerfiskennitölu um mitt síðasta ár. Þeir eru í dag starfsmenn Manngildis en Ingimar Skúli ekki haft upplýsingar um að þeir væru með kennitölu á grundvelli falsaðra vegabréfa. Skrifstofur Manngildis við Auðbrekku í Kópavogi.Vísir/Jói K Tímasetningar gangi ekki upp „Hann kom ekki inn í verkleiguna sem var hreinsuð að innan af glæpalýðnum fyrr en í október í fyrra,“ segir Tryggvi. Vísar hann til harðvítugra deilna milli Ingimars Skúla og Höllu Rutar Bjarnadóttur sem hófu samstarf hjá Verkleigunni árið 2016. Verkleigan varð gjaldþrota á síðasta ári. Stofnaði Ingimar Skúli verkleiguna Manngildi en Halla Rut verkleiguna Menn í vinnu ásamt fleirum fyrrverandi starfsmönnum hjá Verkleigunni. „Það eru allar líkur að þessi kona og samstarfsmenn hennar hafi staðið að þessu,“ segir Tryggvi. „Það sem meira er, mögulega eru það þessir aðilar sem láta vita af þessu því þeir vita mögulega að þetta fólk er ekki hér á réttum pappírum.“ Ásakanir hafa gengið á víxl milli Ingimars Skúla annars vegar og Höllu Rutar og kollega hennar hjá Mönnum í vinnu hins vegar. Ingimar hefur kært þau til héraðssaksóknara fyrir fjárdrátt, fjársvik og skjalafals. Halla Rut og félagar hjá Mönnum í vinnu hafa að sama skapi tilkynnt meint skattalagabrot Ingimars Skúla til skattrannsóknarstjóra, samkvæmt því sem fram kom í máli Halldórs Heiðars Hallssonar, lögmanns Manna í vinnu, á dögunum. „Nú hef ég upplýst yfirmann lögreglurannsóknarinnar um þessi tímamörk og hvatt hann til að beina sjónum sínum að þeim sem höfðu með starfsemi fyrirtækisins að gera á þeim tíma,“ segir Tryggvi. Ingimar Skúli hafi hvergi verið nærri um mitt síðasta ár þegar kennitölurnar voru gefnar út. Fjallað var um starfsmannaleigur í umtöluðum þætti Kveiks á RÚV í síðustu viku, þar á meðal Verkleiguna og Menn í vinnu. Uppfært klukkan 15:50 Eftir að frétt Vísis með viðtalinu við Tryggva fór í loftið sendi lögregla frá sér tilkynningu og leiðrétti tilkynninguna. Kennitölunum hefði verið úthlutað á þessu ári en ekki um mitt síðasta ár. „Sjáið bara hvernig maðurinn lýgur. Nú er komið í ljós eins og satt er að sótt var um kennitölur fyrir þessa menn á þessu ári en ekki í fyrra eins og staðfest er af lögreglu. Þetta er ákúrat ein ástæða þess að starfsfólk skrifstofu var rekið því það vildi ekki taka þátt í þessu sem og skattsvikamálum,“ segir Halla Rut í athugasemd við fréttina. „Ágætt að vera að stunda skjalafals og skattsvik og kenna svo öðrum um.“ Lögreglumál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Halla Hrund fremst í nýrri könnun og Katrín dottin niður í þriðja sæti Innlent Ók blindfullur við Grímsvötn og hótaði að drepa alla Innlent Langt í að þeir nái sér að fullu Innlent Vopnuð rán tíðari en fólk gerir sér grein fyrir Innlent Óttast að saga slökkviliða á Íslandi glatist Innlent Tveir látnir eftir að bíll hafnaði í sjónum við Stokkhólm Erlent Ætlaði að ganga frá álverinu og upp á Keflavíkurflugvöll Innlent Á ofsahraða undir áhrifum fíkniefna Innlent Vopnahlé í sjónmáli? Erlent Fengu aðstoð sérsveitar og Gæslunnar við handtöku við Grímsvötn Innlent Fleiri fréttir Ætlaði að ganga frá álverinu og upp á Keflavíkurflugvöll Halla Hrund fremst í nýrri könnun og Katrín dottin niður í þriðja sæti Vopnuð rán tíðari en fólk gerir sér grein fyrir Óttast að saga slökkviliða á Íslandi glatist Plokkdagurinn mikli haldinn hátíðlegur um land allt Á ofsahraða undir áhrifum fíkniefna Efnahagsstefnan sé að ýta fólki í verðtryggð lán Ók blindfullur við Grímsvötn og hótaði að drepa alla Langt í að þeir nái sér að fullu Lögregla með eftirför í Vogahverfi Íslandsferðin sem breyttist í martröð Fundu hræ fimm hvolpa í Mosfellsbæ Fengu aðstoð sérsveitar og Gæslunnar við handtöku við Grímsvötn Sigurvin dró smábát í land Vill að fréttastofa RÚV biðji Maríu Sigrúnu afsökunar Lögreglan lofar góðu vegaeftirliti á Suðurlandi í sumar Landskjörsstjórn tilkynnir á morgun hvaða listar eru gildir Mögulega að hægjast á landrisi í Svartsengi Karlremba sé komin í tísku Voru með stæla og neituðu að fara upp úr fyrr en löggan mætti Arnar Þór vantaði sex meðmæli upp á Sprengisandur: Peningastefna, ESB og lagareldi Lögregla kölluð út vegna ungmenna til leiðinda í sundlaug Svakalegt að sjá fylgisaukningu Höllu Hrundar Minni lyfjanotkun og meiri vellíðan í sérstöku heilabilunarþorpi Mennirnir tóku annan starfsmannanna hálstaki Líklegt að það styttist í brotmörk Helga lenti einnig í vandræðum Eiríkur og Ástþór fá frest til að bæta við undirskriftum Hættuástand í Grindavík og æsispennandi forsetakosningar Sjá meira
Eigandi Manngildis, Ingimar Skúli Sævarsson, er meðal þeirra níu sem handteknir voru í morgun í umfangsmiklum aðgerðum lögreglunnar á höfuðborgarsvæðinu við rannsókn á útgáfu á fölsuðum skilríkjum. Lögmaður hans segir augljóst mál að Ingimar Skúli sé saklaus en það sýni tímasetningar í málinu. Ingimar hafi hvergi komið nálægt fölsun og eigi enga aðild að málinu. Athugasemd ritstjórnar: Viðtalið við Tryggva var tekið áður en lögregla leiðrétti fyrri tilkynningu þar sem fram kom að kennitölunum hefði verði úthlutað um mitt ár í fyrra. Hið rétta er að þeim var úhlutað á þessu ári. Skrifstofur Manngildis í Auðbrekku í KópavogVísir/Vilhelm Lögregla blés í herlúðra í morgun og handtók tíu karlmenn, níu erlenda og einn íslenskan, við rannsókn á vegabréfafölsun. Handtókur fóru fram snemma dags á tveimur stöðum á höfuðborgarsvæðinu. Þá voru gerðar húsleitir og hald lagt á gögn. Tryggvi Agnarsson, lögmaður Ingimars Skúla, segir skjólstæðing sinn hafa mætt til vinnu í morgun og verið handtekinn á staðnum. Ingimar Skúli hafi verið færður til skýrslutöku en sleppt að henni lokinni. Tryggvi segist ekki hafa átt kost á því að vera viðstaddur skýrslutökuna en Ingimar Skúli hafi ekki fengið upplýsingar um hvenær meint brot eigi að hafa átt sér stað. Í framhaldinu hafi þeir séð í fréttatilkynningu frá lögreglu í dag að mennirnir hafi fengið úthlutaðri kerfiskennitölu um mitt síðasta ár. Þeir eru í dag starfsmenn Manngildis en Ingimar Skúli ekki haft upplýsingar um að þeir væru með kennitölu á grundvelli falsaðra vegabréfa. Skrifstofur Manngildis við Auðbrekku í Kópavogi.Vísir/Jói K Tímasetningar gangi ekki upp „Hann kom ekki inn í verkleiguna sem var hreinsuð að innan af glæpalýðnum fyrr en í október í fyrra,“ segir Tryggvi. Vísar hann til harðvítugra deilna milli Ingimars Skúla og Höllu Rutar Bjarnadóttur sem hófu samstarf hjá Verkleigunni árið 2016. Verkleigan varð gjaldþrota á síðasta ári. Stofnaði Ingimar Skúli verkleiguna Manngildi en Halla Rut verkleiguna Menn í vinnu ásamt fleirum fyrrverandi starfsmönnum hjá Verkleigunni. „Það eru allar líkur að þessi kona og samstarfsmenn hennar hafi staðið að þessu,“ segir Tryggvi. „Það sem meira er, mögulega eru það þessir aðilar sem láta vita af þessu því þeir vita mögulega að þetta fólk er ekki hér á réttum pappírum.“ Ásakanir hafa gengið á víxl milli Ingimars Skúla annars vegar og Höllu Rutar og kollega hennar hjá Mönnum í vinnu hins vegar. Ingimar hefur kært þau til héraðssaksóknara fyrir fjárdrátt, fjársvik og skjalafals. Halla Rut og félagar hjá Mönnum í vinnu hafa að sama skapi tilkynnt meint skattalagabrot Ingimars Skúla til skattrannsóknarstjóra, samkvæmt því sem fram kom í máli Halldórs Heiðars Hallssonar, lögmanns Manna í vinnu, á dögunum. „Nú hef ég upplýst yfirmann lögreglurannsóknarinnar um þessi tímamörk og hvatt hann til að beina sjónum sínum að þeim sem höfðu með starfsemi fyrirtækisins að gera á þeim tíma,“ segir Tryggvi. Ingimar Skúli hafi hvergi verið nærri um mitt síðasta ár þegar kennitölurnar voru gefnar út. Fjallað var um starfsmannaleigur í umtöluðum þætti Kveiks á RÚV í síðustu viku, þar á meðal Verkleiguna og Menn í vinnu. Uppfært klukkan 15:50 Eftir að frétt Vísis með viðtalinu við Tryggva fór í loftið sendi lögregla frá sér tilkynningu og leiðrétti tilkynninguna. Kennitölunum hefði verið úthlutað á þessu ári en ekki um mitt síðasta ár. „Sjáið bara hvernig maðurinn lýgur. Nú er komið í ljós eins og satt er að sótt var um kennitölur fyrir þessa menn á þessu ári en ekki í fyrra eins og staðfest er af lögreglu. Þetta er ákúrat ein ástæða þess að starfsfólk skrifstofu var rekið því það vildi ekki taka þátt í þessu sem og skattsvikamálum,“ segir Halla Rut í athugasemd við fréttina. „Ágætt að vera að stunda skjalafals og skattsvik og kenna svo öðrum um.“
Lögreglumál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Halla Hrund fremst í nýrri könnun og Katrín dottin niður í þriðja sæti Innlent Ók blindfullur við Grímsvötn og hótaði að drepa alla Innlent Langt í að þeir nái sér að fullu Innlent Vopnuð rán tíðari en fólk gerir sér grein fyrir Innlent Óttast að saga slökkviliða á Íslandi glatist Innlent Tveir látnir eftir að bíll hafnaði í sjónum við Stokkhólm Erlent Ætlaði að ganga frá álverinu og upp á Keflavíkurflugvöll Innlent Á ofsahraða undir áhrifum fíkniefna Innlent Vopnahlé í sjónmáli? Erlent Fengu aðstoð sérsveitar og Gæslunnar við handtöku við Grímsvötn Innlent Fleiri fréttir Ætlaði að ganga frá álverinu og upp á Keflavíkurflugvöll Halla Hrund fremst í nýrri könnun og Katrín dottin niður í þriðja sæti Vopnuð rán tíðari en fólk gerir sér grein fyrir Óttast að saga slökkviliða á Íslandi glatist Plokkdagurinn mikli haldinn hátíðlegur um land allt Á ofsahraða undir áhrifum fíkniefna Efnahagsstefnan sé að ýta fólki í verðtryggð lán Ók blindfullur við Grímsvötn og hótaði að drepa alla Langt í að þeir nái sér að fullu Lögregla með eftirför í Vogahverfi Íslandsferðin sem breyttist í martröð Fundu hræ fimm hvolpa í Mosfellsbæ Fengu aðstoð sérsveitar og Gæslunnar við handtöku við Grímsvötn Sigurvin dró smábát í land Vill að fréttastofa RÚV biðji Maríu Sigrúnu afsökunar Lögreglan lofar góðu vegaeftirliti á Suðurlandi í sumar Landskjörsstjórn tilkynnir á morgun hvaða listar eru gildir Mögulega að hægjast á landrisi í Svartsengi Karlremba sé komin í tísku Voru með stæla og neituðu að fara upp úr fyrr en löggan mætti Arnar Þór vantaði sex meðmæli upp á Sprengisandur: Peningastefna, ESB og lagareldi Lögregla kölluð út vegna ungmenna til leiðinda í sundlaug Svakalegt að sjá fylgisaukningu Höllu Hrundar Minni lyfjanotkun og meiri vellíðan í sérstöku heilabilunarþorpi Mennirnir tóku annan starfsmannanna hálstaki Líklegt að það styttist í brotmörk Helga lenti einnig í vandræðum Eiríkur og Ástþór fá frest til að bæta við undirskriftum Hættuástand í Grindavík og æsispennandi forsetakosningar Sjá meira