Oromohreyfingin lýsti í gær yfir einhliða vopnahléi í Afríkuríkinu Eþíópíu eftir að þing landsins tók hreyfinguna af lista yfir ólögleg hryðjuverkasamtök.
Hreyfingin hefur barist fyrir aukinni sjálfsstjórn Oromiya, stærsta ríkis Eþíópíu, frá árinu 1993 en var sett á fyrrnefndan lista fyrir tíu árum.
„Þessi tímabundna vopnahlésyfirlýsing mun leiða að varanlegum friðarsamningi við yfirvöld og endalokum þessarra átaka,“ sagði í yfirlýsingu sem hreyfingin sendi frá sér í gær.
Vopnahléi lýst yfir í Oromiya
Tengdar fréttir
Guterres til Eþíópíu í kjölfar friðarsamkomulags
Framkvæmdastjóri Sameinuðu þjóðanna er nú á leiðinni til Eþíópíu, daginn eftir undirritun sögulegs friðarsamkomulags stjórnvalda í Eþíópíu og Erítreu.
Banvæn sprenging á fundi nýs forsætisráðherra Eþíópíu
Talið er að handsprengju hafi verið kastað inn í mannþröng á fundi stuðningsmanna Abiy Ahmed í dag.
