Langbest að vinna hjá ríkinu Jakob Bjarnar skrifar 13. september 2018 11:01 Forstjórar ríkisstofnana tjáðu Ásmundi Einari það að laun ríkisstarfsmanna yrðu að miðast við einkageirann. En, tölur Hagstofunnar leiða reyndar í ljós að ríkisstarfsmenn hafa það að jafnaði talsvert betra en þar er, nú í toppi efnahagsuppsveiflu. Samkvæmt opinberum tölum eru þeir langbest settir sem starfa hjá ríkinu. Ásmundur Einar Daðason félagsmálaráðherra, sem segir að ríkið verði að líta í eigin barm, hefur að undanförnu lagst í að reyna að skilja hvernig launauppbyggingu á Íslandi er háttað. „Ég hef meðal annars átt fund með stjórnarformönnum þeirra opinberu fyrirtækja sem hafa verið að hækka laun forstjóranna,“ segir Ásmundur Einar:Í flestum tilfellum eru hækkanir rökstuddar með því að laun forstjóra verði að vera í takt við það sem gerist hjá einkafyrirtækjum. Þetta kom fram í ræðu hans í umræðum um stefnuræðu forsætisráðherra á þinginu í gærkvöldi.Umdeilanlegt má heita að ríkisstarfsmenn miði sig við það sem best gerist á einkamarkaði, sem eðli máls samkvæmt er háðari sveiflum. Við þetta bætist svo það að ríkisstarfsmenn bjuggu til langs tíma við miklu betri lífeyrisréttindi, en því var nýverið breytt, og svo meira starfsöryggi.Ríkisstarfsmenn hafa það best Hver er staðan nú þegar Ísland hefur verið í mikilli efnahagslegri uppsveiflu. Í línuriti sem finna má á Hagstofu Íslands má sjá hvernig dreifing heildarlauna er milli launahópa. Þar kemur fram að laun ríkisstarfsmanna eru best. Líklegt verður að heita að þessi staðreynd verði ekki til að lægja öldur hjá verkalýðshreyfingunni.hagstofanGunnar Smári Egilsson, einn stofnandi Sósíalistaflokksins, hefur skoðað línuritið sérstaklega og segir þetta rétt, millistéttin er þykkust hjá ríkinu og svo er þar lag af toppum með yfir 1,3 milljónum króna á mánuði. „Í heildina sýnir þetta línurit að 5 prósent hafa það gott, 15 prósent ömurleg, 10 prósent geta kallað sig millistétt með góðri samvisku en 70 prósent eru lokuð inn í íslensku basli sem ekki sér fyrir endann á,“ segir Gunnar Smári sem birtir mynd af línuriti Hagstofunnar á Facebook-síðu Sósíalistaflokksins.Harðsvíruð láglaunastefna sveitarfélaganna Gunnar Smári dregur reyndar þær upplýsingar fyrst og fremst út úr því að verst hafi þeir sem starfa á sveitarstjórnarstiginu. Að þar megi sjá að láglaunastefna sveitarfélaganna er sérstakt vandamál; „hvorki ríki né almenni markaðurinn rekur (að meðaltali) jafn harðsvíraða láglaunastefnu gegn starfsfólki sínu.Gunnar Smári les það helst út úr línuritinu að á sveitarstjórnarstiginu sér rekin svívirðileg láglaunastefna.Fréttablaðið/Sigtryggur AriSveitarfélögin eru gráa línan, þar eru hlutfallslega flestir á ömurlegum launum og fæstir á skaplegum launum. Og athugið að þetta eru heildarlaun, yfirvinna, aukavaktir og allt sem fólk getur gert til að hífa upp útborguð laun. Heildarlaun eru yfirleitt um 33% hærri en grunnlaun, svo þetta graf væri enn ljótara ef það sýndi hvað fólk fær fyrir átta stunda vinnudag.“Umdeildar forstjórahækkanir á markaði Ásmundur Einar segir hins vegar að í ljósi þess að ríkisstarfsmenn vilji miða sig við frjálsan markað geti verið fróðlegt að skoða hækkanir á einkamarkaði hjá stórum fyrirtækjum og bera saman við lægstu laun. „Sem dæmi má nefna hækkuðu laun þriggja lægst launuðu hópanna um 8–9 prósent milli áranna 2015 og 2016. Í krónum talið eru þetta hækkanir að meðaltali undir 40.000 krónum á mánuði.Ásmundur Einar var harðorður á þinginu í gær og sagði að kaupaukakerfi hjá N1 verði ekki liðið.Sú hækkun er hins vegar 25 sinnum lægri en t.d. hækkun launa forstjóra N1 á milli áranna 2015 og 2016, en þá hækkaði forstjórinn um rúmlega eina milljón króna á mánuði,“ segir Ásmundur Einar.Segir N1 hljóta að draga tillöguna til baka Ráðherra vísar þarna til afar umdeildrar tillögu stjórnar N1, sem Kjarninn sagði af í gær, sem hafa orðið til að ýfa hárin á forkólfum verkalýðshreyfingarinnar, eins og fram kemur á Eyjunni; þar á bæ tala menn um blóðug átök vegna málsins. „Á sama tíma og þetta gerðist var þetta ágæta fyrirtæki í meirihlutaeigu íslensku lífeyrissjóðanna, rúmlega 50%. Nú berast okkur fréttir af því í dag að þetta ágæta fyrirtæki ætli að taka upp kaupaukakerfi á nýjan leik, bónusgreiðslur, sem eigi að fara fyrir hluthafafund síðar í þessum mánuði. Ég segi við lífeyrissjóðina og aðra sem eiga í þessu fyrirtæki að þessari vitleysu verður að ljúka. Þessa tillögu verður að draga til baka,“ segir ráðherra herskár. Kjaramál Tengdar fréttir Einn af hverjum átta með meira en milljón á mánuði Heildarlaun fullvinnandi launamanna voru að meðaltali 706 þúsund krónur á mánuði í fyrra. 13. september 2018 10:18 Mest lesið Kári hættur hjá Íslenskri erfðagreiningu Innlent Grunaður um að hafa frelsissvipt ferðamann í nokkrar klukkustundir Innlent Lokunin óásættanleg og muni leiða til verðhækkana fyrir íbúa Innlent Segjast hafa lent í drónaárás á alþjóðlegu hafsvæði Erlent Hikar ekki við að lögsækja skyldi Rafmennt nota nafn skólans Innlent Drengnum sleppt en fleiri handteknir Erlent Munaði sex atkvæðum Erlent „Við gerum ekki svona við börn“ Innlent Mótmælt við ríkisstjórnarfund: „Oscar á heima hér“ Innlent Birgir Guðjónsson er látinn Innlent Fleiri fréttir „Við gerum ekki svona við börn“ Mótmælt við ríkisstjórnarfund: „Oscar á heima hér“ Kári hættur hjá Íslenskri erfðagreiningu Lokunin óásættanleg og muni leiða til verðhækkana fyrir íbúa Líkamsárásir og brotist inn í raftækjaverslun Grunaður um að hafa frelsissvipt ferðamann í nokkrar klukkustundir Hikar ekki við að lögsækja skyldi Rafmennt nota nafn skólans Myndaveisla: Lúðrasveit, fánar og gríðarstór stytta á Verkalýðsdaginn Kalla eftir mannúð og miskunnsemi stjórnvalda gagnvart börnum Fulllestað og veikt flutningskerfi raforku Þekkir ofbeldið sem konur í karllægum störfum verða fyrir Vilja móta samfélagið í þágu vinnandi fólks Íslenskum framleiðendum gerðir afarkostir og kröfugöngur verkalýðsins Verkalýðsdagurinn haldinn í skugga sjálftöku forystumanna Breytt veiðigjaldafrumvarp lagt fram Kaffistofa leigubílstjóra orðin „nyrsta moska í heimi“ Kalla saman ráðherranefnd svo rafmagnsleysi endurtaki sig ekki hér Birgir Guðjónsson er látinn Niðurstöðu um styrkjamálið megi vænta með vorinu „Þetta er mikill merkisdagur fyrir okkur“ Handtóku vopnaðan mann og kröfugöngur verkalýðsins „Ég skipaði þá aðila sem ég taldi hæfasta“ Hátíðardagskrá um allt land á verkalýðsdaginn Tilkynnt um mann vopnaðan skotvopni og einn handtekinn Líkamsárás á veitingastað Pilturinn muni líklega afplána þriðjung átta ára dóms fyrir manndráp Hornafjörður gæti bjargað flugi Icelandair á Ísafjörð Gefur lítið fyrir tal um fyrningu Brot á trausti gagnvart félögum Lúðvíks sem vilji hjálpa Gætti trúnaðar eftir að erindi tengdamömmunnar barst Sjá meira
Samkvæmt opinberum tölum eru þeir langbest settir sem starfa hjá ríkinu. Ásmundur Einar Daðason félagsmálaráðherra, sem segir að ríkið verði að líta í eigin barm, hefur að undanförnu lagst í að reyna að skilja hvernig launauppbyggingu á Íslandi er háttað. „Ég hef meðal annars átt fund með stjórnarformönnum þeirra opinberu fyrirtækja sem hafa verið að hækka laun forstjóranna,“ segir Ásmundur Einar:Í flestum tilfellum eru hækkanir rökstuddar með því að laun forstjóra verði að vera í takt við það sem gerist hjá einkafyrirtækjum. Þetta kom fram í ræðu hans í umræðum um stefnuræðu forsætisráðherra á þinginu í gærkvöldi.Umdeilanlegt má heita að ríkisstarfsmenn miði sig við það sem best gerist á einkamarkaði, sem eðli máls samkvæmt er háðari sveiflum. Við þetta bætist svo það að ríkisstarfsmenn bjuggu til langs tíma við miklu betri lífeyrisréttindi, en því var nýverið breytt, og svo meira starfsöryggi.Ríkisstarfsmenn hafa það best Hver er staðan nú þegar Ísland hefur verið í mikilli efnahagslegri uppsveiflu. Í línuriti sem finna má á Hagstofu Íslands má sjá hvernig dreifing heildarlauna er milli launahópa. Þar kemur fram að laun ríkisstarfsmanna eru best. Líklegt verður að heita að þessi staðreynd verði ekki til að lægja öldur hjá verkalýðshreyfingunni.hagstofanGunnar Smári Egilsson, einn stofnandi Sósíalistaflokksins, hefur skoðað línuritið sérstaklega og segir þetta rétt, millistéttin er þykkust hjá ríkinu og svo er þar lag af toppum með yfir 1,3 milljónum króna á mánuði. „Í heildina sýnir þetta línurit að 5 prósent hafa það gott, 15 prósent ömurleg, 10 prósent geta kallað sig millistétt með góðri samvisku en 70 prósent eru lokuð inn í íslensku basli sem ekki sér fyrir endann á,“ segir Gunnar Smári sem birtir mynd af línuriti Hagstofunnar á Facebook-síðu Sósíalistaflokksins.Harðsvíruð láglaunastefna sveitarfélaganna Gunnar Smári dregur reyndar þær upplýsingar fyrst og fremst út úr því að verst hafi þeir sem starfa á sveitarstjórnarstiginu. Að þar megi sjá að láglaunastefna sveitarfélaganna er sérstakt vandamál; „hvorki ríki né almenni markaðurinn rekur (að meðaltali) jafn harðsvíraða láglaunastefnu gegn starfsfólki sínu.Gunnar Smári les það helst út úr línuritinu að á sveitarstjórnarstiginu sér rekin svívirðileg láglaunastefna.Fréttablaðið/Sigtryggur AriSveitarfélögin eru gráa línan, þar eru hlutfallslega flestir á ömurlegum launum og fæstir á skaplegum launum. Og athugið að þetta eru heildarlaun, yfirvinna, aukavaktir og allt sem fólk getur gert til að hífa upp útborguð laun. Heildarlaun eru yfirleitt um 33% hærri en grunnlaun, svo þetta graf væri enn ljótara ef það sýndi hvað fólk fær fyrir átta stunda vinnudag.“Umdeildar forstjórahækkanir á markaði Ásmundur Einar segir hins vegar að í ljósi þess að ríkisstarfsmenn vilji miða sig við frjálsan markað geti verið fróðlegt að skoða hækkanir á einkamarkaði hjá stórum fyrirtækjum og bera saman við lægstu laun. „Sem dæmi má nefna hækkuðu laun þriggja lægst launuðu hópanna um 8–9 prósent milli áranna 2015 og 2016. Í krónum talið eru þetta hækkanir að meðaltali undir 40.000 krónum á mánuði.Ásmundur Einar var harðorður á þinginu í gær og sagði að kaupaukakerfi hjá N1 verði ekki liðið.Sú hækkun er hins vegar 25 sinnum lægri en t.d. hækkun launa forstjóra N1 á milli áranna 2015 og 2016, en þá hækkaði forstjórinn um rúmlega eina milljón króna á mánuði,“ segir Ásmundur Einar.Segir N1 hljóta að draga tillöguna til baka Ráðherra vísar þarna til afar umdeildrar tillögu stjórnar N1, sem Kjarninn sagði af í gær, sem hafa orðið til að ýfa hárin á forkólfum verkalýðshreyfingarinnar, eins og fram kemur á Eyjunni; þar á bæ tala menn um blóðug átök vegna málsins. „Á sama tíma og þetta gerðist var þetta ágæta fyrirtæki í meirihlutaeigu íslensku lífeyrissjóðanna, rúmlega 50%. Nú berast okkur fréttir af því í dag að þetta ágæta fyrirtæki ætli að taka upp kaupaukakerfi á nýjan leik, bónusgreiðslur, sem eigi að fara fyrir hluthafafund síðar í þessum mánuði. Ég segi við lífeyrissjóðina og aðra sem eiga í þessu fyrirtæki að þessari vitleysu verður að ljúka. Þessa tillögu verður að draga til baka,“ segir ráðherra herskár.
Kjaramál Tengdar fréttir Einn af hverjum átta með meira en milljón á mánuði Heildarlaun fullvinnandi launamanna voru að meðaltali 706 þúsund krónur á mánuði í fyrra. 13. september 2018 10:18 Mest lesið Kári hættur hjá Íslenskri erfðagreiningu Innlent Grunaður um að hafa frelsissvipt ferðamann í nokkrar klukkustundir Innlent Lokunin óásættanleg og muni leiða til verðhækkana fyrir íbúa Innlent Segjast hafa lent í drónaárás á alþjóðlegu hafsvæði Erlent Hikar ekki við að lögsækja skyldi Rafmennt nota nafn skólans Innlent Drengnum sleppt en fleiri handteknir Erlent Munaði sex atkvæðum Erlent „Við gerum ekki svona við börn“ Innlent Mótmælt við ríkisstjórnarfund: „Oscar á heima hér“ Innlent Birgir Guðjónsson er látinn Innlent Fleiri fréttir „Við gerum ekki svona við börn“ Mótmælt við ríkisstjórnarfund: „Oscar á heima hér“ Kári hættur hjá Íslenskri erfðagreiningu Lokunin óásættanleg og muni leiða til verðhækkana fyrir íbúa Líkamsárásir og brotist inn í raftækjaverslun Grunaður um að hafa frelsissvipt ferðamann í nokkrar klukkustundir Hikar ekki við að lögsækja skyldi Rafmennt nota nafn skólans Myndaveisla: Lúðrasveit, fánar og gríðarstór stytta á Verkalýðsdaginn Kalla eftir mannúð og miskunnsemi stjórnvalda gagnvart börnum Fulllestað og veikt flutningskerfi raforku Þekkir ofbeldið sem konur í karllægum störfum verða fyrir Vilja móta samfélagið í þágu vinnandi fólks Íslenskum framleiðendum gerðir afarkostir og kröfugöngur verkalýðsins Verkalýðsdagurinn haldinn í skugga sjálftöku forystumanna Breytt veiðigjaldafrumvarp lagt fram Kaffistofa leigubílstjóra orðin „nyrsta moska í heimi“ Kalla saman ráðherranefnd svo rafmagnsleysi endurtaki sig ekki hér Birgir Guðjónsson er látinn Niðurstöðu um styrkjamálið megi vænta með vorinu „Þetta er mikill merkisdagur fyrir okkur“ Handtóku vopnaðan mann og kröfugöngur verkalýðsins „Ég skipaði þá aðila sem ég taldi hæfasta“ Hátíðardagskrá um allt land á verkalýðsdaginn Tilkynnt um mann vopnaðan skotvopni og einn handtekinn Líkamsárás á veitingastað Pilturinn muni líklega afplána þriðjung átta ára dóms fyrir manndráp Hornafjörður gæti bjargað flugi Icelandair á Ísafjörð Gefur lítið fyrir tal um fyrningu Brot á trausti gagnvart félögum Lúðvíks sem vilji hjálpa Gætti trúnaðar eftir að erindi tengdamömmunnar barst Sjá meira
Einn af hverjum átta með meira en milljón á mánuði Heildarlaun fullvinnandi launamanna voru að meðaltali 706 þúsund krónur á mánuði í fyrra. 13. september 2018 10:18