Bubbi segir Kim Larsen hafa samið einn fallegasta kærleikssöng allra tíma Birgir Olgeirsson skrifar 30. september 2018 15:01 Bubbi minnist Kim Larsen sem féll frá í dag. Vísir/Eyþór/Getty „Við komum og við förum og þetta liggur fyrir okkur öllum,“ segir Bubbi Morthens í samtali við Vísi um danska tónlistarmanninn Kim Larsen sem lést í morgun, 72 ára að aldri, eftir baráttu við krabbamein. Bubbi segir Kim Larsen hafa kennt sér að vera trúr sínum kjarna. Larsen hafi verið götustrákur sem „meikaði“ það en engu að síður laus við stæla og prjál. Hann segir Larsen hafa ort einn fallegasta kærleikssöng sem hefur verið saminn og að Danir hafi í dag misst sannkallaða þjóðargersemi. „Það er efst í huga þegar einhverjir fara sem maður þekkir að einhverju leyti og þykir að einhverju leyti vænt um, þá myndast ákveðið gat í lífslofthjúpi manns, það slokknar á einni stjörnu í viðbót. Bubbi man hvar hann var þegar hann heyrði í fyrsta skiptið í Kim Larsen. Það var snemma á áttunda áratug síðustu aldar þegar Bubbi var í heimavistarskóla í Danmörku fjórtán ára gamall. „Málið er að ég er meiri Dani en Íslendingur. Ég veit ekki hvort að menn viti það. Ég er ekki nema einn fjórði Íslendingur en ég er hálfur Dani,“ segir Bubbi.Kim Larsen var allt trúr kjarnanum að sögn Bubba.Vísir/GettyÞótti tónlistin æðisleg Hann sat uppi á heimavist og hlustaði á hljómsveitina Gasolin, sem Larsen stofnaði, ásamt nokkrum krökkum. „Okkur þótti Gasolin vera þrusuband. Maður tengdi við hann. Þetta var bara eins og að hlusta íslenska tónlist fyrir mér. Þetta var tungumál sem var mér í blóð borið, þannig að mér þótti þetta æðislegt.“ Hann hefur fylgt Larsen í gegnum tíðina. Að mati Bubba er platan Yummi Yummi með Larsen æðisleg. „Ég var skeptískari á 80´s hljómborðssyntha dæmið hans. En hann á alveg klikkuð lög.“ Bubbi segir Larsen hafa sagt það sem honum bjó í brjósti og tekið afstöðu gagnvart allskonar hitamálum í Danmörku. „Og hægt og rólega varð hann einhverskonar þjóðargersemi.“ De Smukke Unge Mennesker í uppáhaldi Lagið sem Bubba þykir vænst um með Kim Larsen er De Smukke Unge Mennesker, sem er að finna á plötunni Yummi Yummi sem kom út árið 1988. „Sem mér finnst vera einn fallegasti kærleikssöngur sem hefur verið saminn. Það er ótrúleg næmni í lagi og texta og myndirnar sem hann dregur upp eru algjörlega óaðfinnanlegar. Þær segja þessa sögu; þegar börnin okkar verða unglingar og allt í einu þekkjum við þau ekki, röddin er öðruvísi, svo fara þau eins og fiðrildi í fyrsta sumardaginn og við stöndum eftir og horfum á eftir þeim fljúga úr hreiðrinu. Einhvern veginn nær hann utan um þessa tilfinningu á svo ótrúlega fallegan máta. Þetta lag hefur verið á prógramminu hjá mér í mörg ár.“Bubbi hitti Kim Larsen og segir Danann hafa verið götustrák sem sló í gegn. Larsen var mjög skemmtilegur og laus við stæla og prjál. Hann segir Larsen hafa farið allskonar hringi í lífsleiðinni en kjarninn hélst sá sami. „Hann var alltaf sannur,“ segir Bubbi. Ræða á afmæli drottningarinnar eftirminnileg Hann bendir fólki á að leita uppi ræðu sem Larsen hélt á afmæli Margrétar Danadrottningar ef það vill sjá hversu skemmtilegur hann var. „Þar sem hann stendur fyrir framan hana og heldur algjörlega óborganlega ræðu. Hann minnist eiginlega eingöngu bara á einn mann, Johnn Lennon, algjörlega geggjaður.“ Larsen greindist með krabbamein í blöðruhálskirtli í desember síðastliðnum. Hann sagði frá því janúar síðastliðnum og þurfti að fresta fyrirhugaðri tónleikaferð. Hann ákvað hins vegar að halda nokkurs konar kveðju tónleika í sumar. Fylgdi ljósi hans eftir Bubbi segir þetta ansi magnað kveðju. „Það er ekkert nema fegurð, ást og kærleikur. Ég hugleiddi Kim Larsen í morgun og fór í gegnum smá ferðalag í huganum og fylgdi ljósi hans eftir.“ Larsen hafði áhrif á Bubba sem segir Danann hafa kennt sér að vera trúr sjálfum sér. „Þú verður að segja það sem þér finnst og vera trúr þínum kjarna. Og mér fannst hann höndla það ótrúlega vel. Það eru aðrir tónlistarmenn sem hafa haft meiri áhrif á mig. En fyrir mér var Kim Larsen partur af dönsku fjölskyldu minni. Kim Larsen hefur alltaf verið við hliðina á manni. Ég hlusta oft á ákveðin lög með honum til að tengja mig inn í móðurlandið.“Hér fyrir neðan má heyra Bubba spila De Smukke Unge Mennesker á afmælisdegi sínum fyrir tveimur árum. Tónlist Tengdar fréttir Kim Larsen látinn Lést í morgun 72 ára að aldri eftir langvinn veikindi. 30. september 2018 09:37 Mest lesið Varaforsetaefni í bobba vegna hundsdráps og meints fundar með Kim Erlent Kolbeinn hafi strokið kynfæri stúlkunnar ítrekað Innlent Ótrúlegustu aðskotahlutir gera óskunda í dósatalningarvélum Innlent Katrín efst en Jón hrynur í nýrri könnun Innlent Hafa rukkað þá sem valda sinubruna um kostnað við útkall Innlent Sólríkasta byrjun árs í Reykjavík í 77 ár Innlent Fjöldi verkfallsboðana á Keflavíkurflugvelli áhyggjuefni Innlent Forsetavaktin 2024: Hver verður sjöundi forseti lýðveldisins? Innlent Svona var Pallborðið með Höllu Hrund, Katrínu og Baldri Innlent Halla Hrund líka vinsæll annar kostur Innlent Fleiri fréttir Sólríkasta byrjun árs í Reykjavík í 77 ár Hafa rukkað þá sem valda sinubruna um kostnað við útkall Ótrúlegustu aðskotahlutir gera óskunda í dósatalningarvélum Fjöldi verkfallsboðana á Keflavíkurflugvelli áhyggjuefni Kosið um sameiningu Húna- og Skagabyggðar í júní Nýjustu skoðanakannanir, verkfallsaðgerðir á flugvellinum og týndur gaffall Halla Hrund líka vinsæll annar kostur Kolbeinn hafi strokið kynfæri stúlkunnar ítrekað Segja lýðræðis- og mannréttindabakslag staðreynd Ný sendiskrifstofa opnuð í Síerra Leóne Baldur segir niðurstöður nýjustu kannana vonbrigði Halla Hrund mælist með mest fylgi í nýrri könnun Maskínu Tilvísunum vegna skekkju á höfuðkúpu ungbarna fjölgað mikið Fréttaskýring Maríu Sigrúnar kemur út á mánudag Einar segir forsetaembættið um ekki neitt Svona gæti bensínstöðvarreiturinn við Ægisíðu litið út Ákærð fyrir að kæfa son sinn með kodda Börn lögð inn með kíghósta „Við reyndum eins og við gátum“ Framkvæmdanefnd fyrir Grindavík sett á laggirnar Sambærileg rúðubrot í Lækjargötu og á Skólavörðustíg Skipar framkvæmdanefnd um málefni Grindavíkur Spellvirkinn lætur til skarar skríða á ný Svona var Pallborðið með Höllu Hrund, Katrínu og Baldri Svandís boðar til blaðamannafundar Heyrist meira af kjaftæði um lyf en vísindalegum staðreyndum Sautján greinst með kíghósta og inflúensan enn að dreifa sér Vilja svör um möguleg „óþægileg hagsmunatengsl“ borgar og RÚV „Fann það þegar ég vaknaði í morgun að þetta var lúmskt áfall“ Horfði á þegar vinur hans réðst á manninn sem braut á dóttur hans Sjá meira
„Við komum og við förum og þetta liggur fyrir okkur öllum,“ segir Bubbi Morthens í samtali við Vísi um danska tónlistarmanninn Kim Larsen sem lést í morgun, 72 ára að aldri, eftir baráttu við krabbamein. Bubbi segir Kim Larsen hafa kennt sér að vera trúr sínum kjarna. Larsen hafi verið götustrákur sem „meikaði“ það en engu að síður laus við stæla og prjál. Hann segir Larsen hafa ort einn fallegasta kærleikssöng sem hefur verið saminn og að Danir hafi í dag misst sannkallaða þjóðargersemi. „Það er efst í huga þegar einhverjir fara sem maður þekkir að einhverju leyti og þykir að einhverju leyti vænt um, þá myndast ákveðið gat í lífslofthjúpi manns, það slokknar á einni stjörnu í viðbót. Bubbi man hvar hann var þegar hann heyrði í fyrsta skiptið í Kim Larsen. Það var snemma á áttunda áratug síðustu aldar þegar Bubbi var í heimavistarskóla í Danmörku fjórtán ára gamall. „Málið er að ég er meiri Dani en Íslendingur. Ég veit ekki hvort að menn viti það. Ég er ekki nema einn fjórði Íslendingur en ég er hálfur Dani,“ segir Bubbi.Kim Larsen var allt trúr kjarnanum að sögn Bubba.Vísir/GettyÞótti tónlistin æðisleg Hann sat uppi á heimavist og hlustaði á hljómsveitina Gasolin, sem Larsen stofnaði, ásamt nokkrum krökkum. „Okkur þótti Gasolin vera þrusuband. Maður tengdi við hann. Þetta var bara eins og að hlusta íslenska tónlist fyrir mér. Þetta var tungumál sem var mér í blóð borið, þannig að mér þótti þetta æðislegt.“ Hann hefur fylgt Larsen í gegnum tíðina. Að mati Bubba er platan Yummi Yummi með Larsen æðisleg. „Ég var skeptískari á 80´s hljómborðssyntha dæmið hans. En hann á alveg klikkuð lög.“ Bubbi segir Larsen hafa sagt það sem honum bjó í brjósti og tekið afstöðu gagnvart allskonar hitamálum í Danmörku. „Og hægt og rólega varð hann einhverskonar þjóðargersemi.“ De Smukke Unge Mennesker í uppáhaldi Lagið sem Bubba þykir vænst um með Kim Larsen er De Smukke Unge Mennesker, sem er að finna á plötunni Yummi Yummi sem kom út árið 1988. „Sem mér finnst vera einn fallegasti kærleikssöngur sem hefur verið saminn. Það er ótrúleg næmni í lagi og texta og myndirnar sem hann dregur upp eru algjörlega óaðfinnanlegar. Þær segja þessa sögu; þegar börnin okkar verða unglingar og allt í einu þekkjum við þau ekki, röddin er öðruvísi, svo fara þau eins og fiðrildi í fyrsta sumardaginn og við stöndum eftir og horfum á eftir þeim fljúga úr hreiðrinu. Einhvern veginn nær hann utan um þessa tilfinningu á svo ótrúlega fallegan máta. Þetta lag hefur verið á prógramminu hjá mér í mörg ár.“Bubbi hitti Kim Larsen og segir Danann hafa verið götustrák sem sló í gegn. Larsen var mjög skemmtilegur og laus við stæla og prjál. Hann segir Larsen hafa farið allskonar hringi í lífsleiðinni en kjarninn hélst sá sami. „Hann var alltaf sannur,“ segir Bubbi. Ræða á afmæli drottningarinnar eftirminnileg Hann bendir fólki á að leita uppi ræðu sem Larsen hélt á afmæli Margrétar Danadrottningar ef það vill sjá hversu skemmtilegur hann var. „Þar sem hann stendur fyrir framan hana og heldur algjörlega óborganlega ræðu. Hann minnist eiginlega eingöngu bara á einn mann, Johnn Lennon, algjörlega geggjaður.“ Larsen greindist með krabbamein í blöðruhálskirtli í desember síðastliðnum. Hann sagði frá því janúar síðastliðnum og þurfti að fresta fyrirhugaðri tónleikaferð. Hann ákvað hins vegar að halda nokkurs konar kveðju tónleika í sumar. Fylgdi ljósi hans eftir Bubbi segir þetta ansi magnað kveðju. „Það er ekkert nema fegurð, ást og kærleikur. Ég hugleiddi Kim Larsen í morgun og fór í gegnum smá ferðalag í huganum og fylgdi ljósi hans eftir.“ Larsen hafði áhrif á Bubba sem segir Danann hafa kennt sér að vera trúr sjálfum sér. „Þú verður að segja það sem þér finnst og vera trúr þínum kjarna. Og mér fannst hann höndla það ótrúlega vel. Það eru aðrir tónlistarmenn sem hafa haft meiri áhrif á mig. En fyrir mér var Kim Larsen partur af dönsku fjölskyldu minni. Kim Larsen hefur alltaf verið við hliðina á manni. Ég hlusta oft á ákveðin lög með honum til að tengja mig inn í móðurlandið.“Hér fyrir neðan má heyra Bubba spila De Smukke Unge Mennesker á afmælisdegi sínum fyrir tveimur árum.
Tónlist Tengdar fréttir Kim Larsen látinn Lést í morgun 72 ára að aldri eftir langvinn veikindi. 30. september 2018 09:37 Mest lesið Varaforsetaefni í bobba vegna hundsdráps og meints fundar með Kim Erlent Kolbeinn hafi strokið kynfæri stúlkunnar ítrekað Innlent Ótrúlegustu aðskotahlutir gera óskunda í dósatalningarvélum Innlent Katrín efst en Jón hrynur í nýrri könnun Innlent Hafa rukkað þá sem valda sinubruna um kostnað við útkall Innlent Sólríkasta byrjun árs í Reykjavík í 77 ár Innlent Fjöldi verkfallsboðana á Keflavíkurflugvelli áhyggjuefni Innlent Forsetavaktin 2024: Hver verður sjöundi forseti lýðveldisins? Innlent Svona var Pallborðið með Höllu Hrund, Katrínu og Baldri Innlent Halla Hrund líka vinsæll annar kostur Innlent Fleiri fréttir Sólríkasta byrjun árs í Reykjavík í 77 ár Hafa rukkað þá sem valda sinubruna um kostnað við útkall Ótrúlegustu aðskotahlutir gera óskunda í dósatalningarvélum Fjöldi verkfallsboðana á Keflavíkurflugvelli áhyggjuefni Kosið um sameiningu Húna- og Skagabyggðar í júní Nýjustu skoðanakannanir, verkfallsaðgerðir á flugvellinum og týndur gaffall Halla Hrund líka vinsæll annar kostur Kolbeinn hafi strokið kynfæri stúlkunnar ítrekað Segja lýðræðis- og mannréttindabakslag staðreynd Ný sendiskrifstofa opnuð í Síerra Leóne Baldur segir niðurstöður nýjustu kannana vonbrigði Halla Hrund mælist með mest fylgi í nýrri könnun Maskínu Tilvísunum vegna skekkju á höfuðkúpu ungbarna fjölgað mikið Fréttaskýring Maríu Sigrúnar kemur út á mánudag Einar segir forsetaembættið um ekki neitt Svona gæti bensínstöðvarreiturinn við Ægisíðu litið út Ákærð fyrir að kæfa son sinn með kodda Börn lögð inn með kíghósta „Við reyndum eins og við gátum“ Framkvæmdanefnd fyrir Grindavík sett á laggirnar Sambærileg rúðubrot í Lækjargötu og á Skólavörðustíg Skipar framkvæmdanefnd um málefni Grindavíkur Spellvirkinn lætur til skarar skríða á ný Svona var Pallborðið með Höllu Hrund, Katrínu og Baldri Svandís boðar til blaðamannafundar Heyrist meira af kjaftæði um lyf en vísindalegum staðreyndum Sautján greinst með kíghósta og inflúensan enn að dreifa sér Vilja svör um möguleg „óþægileg hagsmunatengsl“ borgar og RÚV „Fann það þegar ég vaknaði í morgun að þetta var lúmskt áfall“ Horfði á þegar vinur hans réðst á manninn sem braut á dóttur hans Sjá meira