„Vilt þú ekki bara drulla þér aftur heim hryðjuverkamaðurinn þinn“

Þriðji þátturinn af Steypustöðinni er á dagskrá Stöðvar 2 í kvöld en þættirnir hafa fengið góðar viðtökur.

Í síðasta þætti vakti skemmtilegt atriði með Steinda og Sveppa sérstaka athygli en í því leikur Steindi strangan tollvörð sem tekur ekkert sérstaklega vel á móti Íslendingi sem var að lenda á Keflavíkurflugvelli frá London.

Aðilinn þarf að svara allskyns spurningum um land og þjóð, til þess eins að komast inn í landið. Hlutir sem nauðsynlegt er að vita til að komast inn í landið eru til að mynda:



-          Hverir eru söngvararnir í Stjórninni?

-          Hvaða plata kom út á eftir Ísbjarnarblús með Bubba?

-          Hvaða karakter Ladda sagði „Guuuuuuððð“

-          Með hvaða liði spilaði Hemmi Gunn?