Stefán Rafn markahæstur og Óðinn í sigurliði í Danmörku

Handboltamennirnir Stefán Rafn Sigurmannsson og Óðinn Þór Ríkharðsson voru báðir í sigurliði er þeirra kepptu í Ungverjalandi og Danmörku í kvöld.

Stefán Rafn skoraði tíu mörk og var markahæstur í níu marka sigri, 38-29, Pick Szeged á Gyöngyösi í ungversku úrvalsdeildinni í handbolta.

Stefán Rafn og félagar hristu Gyöngyösi af sér í síðari hálfleik því í hálfleik leiddu þeir einungis með tveimur mörkum, 17-15. Pick er á toppnum með tuttugu stig, fullt hús stiga.

Óðinn Þór komst ekki á blað er GOG vann átta marka sigur á Nordsjælland, 34-26, á heimavelli í dönsku úrvalsdeildinni. Óðinn Þór skaut einu sinni að marki Nordsjælland en GOG er í þriðja sæti deildarinnar með sautján stig.