Ásgeir Örn öflugur í tapi

Tveir Íslendingar voru í eldlínunni í frönsku úrvalsdeildinni í handbolta í kvöld.

Guðmundur Hólmar Helgason er óðum að nálgast fyrra form eftir langvarandi meiðsli og hann lék með Cesson-Rennes í kvöld þegar liðið fékk Dunkerque í heimsókn.

Guðmundur komst ekki á blað í leiknum sem endaði með fjögurra marka sigri gestanna, 21-25.

Ásgeir Örn Hallgrímsson var frábær í sóknarleik Nimes sem tapaði á útivelli gegn Tremblay, 39-35.

Ásgeir Örn var markahæsti leikmaður Nimes í leiknum með sex mörk úr sex skotum.