Marsspá Siggu Kling – Bogmaðurinn: Þú ert á tímabili ferðalaga

Elsku Bogmaðurinn minn, þú ert svo mögnuð tilfinningavera og þar af leiðandi er lífið þitt búið að vera svolítið eins og hávaðarok eða lygna og á góðri ensku gæti það þýtt „rollercoaster“, sem ef þú skoðar betur gæti bara verið ansi spennandi.

Núna ertu að fara inn í tímabil þar sem þú sérð hluti opna og í algerlega nýju ljósi og þú verður eins og veðurfræðingur sem hefur rétt fyrir sér (sjaldgæft) því það er eins og þú fáir skynjunina fyrir því hvað það er sem á eftir að koma þér á réttan grunn.

Þú átt eftir að geta spáð nokkuð rétt fyrir þeim vindstigum sem þú verður fyrir næstu mánuði og þegar þú finnur þetta muntu að sjálfsögðu klæða þig í rétta gallann og haga seglum eftir vindi.

Ef þú ert á lausu þá færðu ástina auðveldlega og þú þarft að læra að reikna út og skoða hvað myndi henta þér því ef þú ert búinn að lenda í svaðilförum í ástamálum, þá er það nefnilega þannig að þér finnst eitthvað vera þín týpa og ef það hefur ekki virkað síðustu skiptin hjá þér, þá skaltu gefa annarri týpu séns næst.

Þið sem eruð svo heppin að vera í föstu sambandi skuluð efla og styrkja það sem þið hafið, því þetta er tímabil ástarinnar og það magnast allt upp sem tengist henni. Það er svo sérstakt að skoða það að í ensku er orðið kærleikur ekki til, heldur er orðið notal orðið „love“ fyrir kærleik í ensku, en ég veit samt ekki af hverju ég vil segja þetta við þig, en mundu að ást og kærleikur er náttúrulega það sama, svo gefðu kærleikann þinn inn í ástina, þá færðu það sem þig vantar og þú þráir.

Ástarsambönd hjartað mitt snúast líka mikið um málamiðlanir, alveg eins og vináttan og allir þurfa að hafa eitthvað fram að færa og eitthvað að gefa.

Þú ert á tímabili ferðalaga, svo þú átt eftir að skipuleggja eins mikið af ferðalögum og þú getur og átt eftir að græða svo mikið á þessum ferðalögum, eitthvað svo miklu meira en bara bjór og tequila. Þú verður svo heillaður af fólki og athöfnum að það hækkar tíðni þína og kemur þér og nýja braut.

Setningin þín er: Að detta er lærdómur, að liggja eru leiðindi, að rísa upp er það eina sem skiptir máli – Rise like a Phoenix



Frægir Bogmenn: Ingvar E. Sigurðsson leikari, Björgvin Franz Gíslason leikari, Edda Heiðrún Backman leikkona, Regína Ósk Óskarsdóttir söngkona, Sigrún í Gyðja Collection, Steindi, Bryndís Ásmundsdóttir, leik- og söngkona, Jóhanna Vilhjálmsdóttir, fjallkona og leikkona, Logi Bergmann Eiðsson sjónvarpsmaður, Jói á Fabrikkunni, Sigga Dögg kynfræðingur, Hemmi, hársnillingur á Módus, Lovísa, hönnuður hjá Kjólar og konfekt, Kjartan Kjartansson athafnamaður.