Þeir fyrstu til að ríða á vaðið undir myllumerkinu TakkBára er fólk úr verkalýðshreyfingunni. Þau telja Báru sannkallaða hetju og leggja til að hún verði kjörin maður ársins.
Veruleikinn ótrúlegur, merkilegur og fallegur
Sólveig Anna Jónsdóttir, formaður Eflingar, segist beinlínis klökk, svo mikið finnst henni til þessa afreks Báru koma.„Aljörlega mögnuð manneskja og aðgerðarsinni; hefur tekið þátt í starfi Pepp, samtaka fólks í fátækt og Tabú, femínískrar hreyfingar fatlaðra kvenna,“ skrifar Sólveig Anna á Facebooksíðu sína. Og hún heldur áfram að lýsa upplifun sinni af þessum gerningi Báru:
„Ég viðurkenni að ég er pínku klökk. Stundum er veruleikinn svo ótrúlegur, merkilegur og fallegur,“ skrifar Sólveig Anna og vitnar í viðtalið.

Og:
„Sumir hæðast að góða fólkinu en viljum við ekki einmitt vera gott fólk? Þegar öllu er á borninn hvolft, viljum við ekki þá vera góðar manneskjur? Búa til samfélag þar sem fólki líður vel, þarf ekki að óttast hatur og fyrirlitningu valdamikilla manna og getur ræktað hæfileika sína án þess að rekast á vegg?“
Sólveig Anna segir við þessum tillvitnunum sem hún tekur til: „Jú, kæra Bára, það er akkúrat og nákvæmlega það sem við viljum.“
Þú ert æði
Ýmsir úr vinstri hreyfingunni hafa svo fylgt í kjölfarið, og lýst yfir þakklæti sínu og aðdáun á Báru. Einn þeirra er Atli Þór Fanndal eða Thor Fanndal, blaðamaður og ráðgjafi:
Rannveig Tenchi Pírati er líka hrifin: „Takk fyrir að ýta á upptöku! Hefði líklega gert það sama! Nú stöndum við líka öll vörð um Báru,“ segir Rannveig og lætur hjarta-merki fylgja skilaboðum sínum. Hún ætlar að ekki séu allir jafn ánægðir með þetta upptökuna.
Bára maður ársins
Fjölmargir eru á því að Bára hljóti að teljast maður ársins. Viðar Þorsteinsson framkvæmdastjóri Eflingar segir Báru manneskju ársins.Ingunn Snædal skáld og þýðandi segir: „Töffari ársins. Hugrökk og skelegg og flott í Stundinni“.
Ingimar Karl Helgason upplýsingafulltrúi Öryrkjabandalagsins segir einfaldlega: „Hetja“.
Og Ragnheiður Haralds og Eiríksdóttir blaðamaður og kynlífsfræðingur segir „Takk Bára. Þú ert kona ársins,“ og telur hana eiga skilið að fá Fálkaorðuna.
Stöðugt bætast í sarpinn stuðingskveðjur til Báru Halldórsdóttur bæði á Facebook og Twitter. En, á sama hátt og Bára nýtur nú aðdáunar liggur fyrir að ýmsir telja það fyrir neðan allar hellur að hún hafi legið á hleri og hafa tjáð þá skoðun sína. Og víst er að sexmenningarnir sem höfðu uppi hin umdeildu orð sem Bára tók upp og aðrir sem þeim tengjast hugsa henni þegjandi þörfina.
'Ef að Davíð Oddsson er ósáttur við eitthvað sem ég hef gert þá hlýt ég að vera á réttri leið. "
— Jon Gnarr (@Jon_Gnarr) December 7, 2018
-Marvin aka Bára Halldórsdóttir
mjög gott viðmið