Vince Vaughn tekinn fullur undir stýri

Vince Vaughn var handtekinn fyrir ölvunarakstur aðfaranótt sunnudags í Manhattan Beach, sem er borg í nágrenni Los Angeles.

Vaughn var með farþega með sér í bílnum, sem var einnig handtekinn fyrir ölvun og óspektir á almannafæri. Vaughn var ásamt því að vera tekinn fullur, einnig ákærður fyrir að forðast handtöku.

Bæði Vaughn og farþegi hans hafa verið látnir lausir og gistu ekki fangageymslu.

Vince Vaughn er heimsfrægur leikari og er best þekktur fyrir hlutverk sín í gamanmyndum á borð við „Wedding Crashers,“ „Dodgeball“ og „The Break-Up.“