Íslenska dómnefndin gaf Austurríki 12 stig í söngvakeppni evrópskra sjónvarpsstöðva, Eurovision, í kvöld. Edda Sif Pálsdóttir fjölmiðlakona kynnti stig íslensku dómnefndarinnar en Edda var klædd í landsliðstreyju.
Dómnefndina íslensku skipuðu Védís Hervör Árnadóttir tónlistarkona sem var jafnframt formaður hennar, Hlynur Benediktsson tónlistarmaður, Hannes Friðbjarnarson tónlistarmaður, Jón Rafnsson tónlistarmaður og Erla Jónatansdóttir söngkona og tónlistarkennari.
Edda þakkaði Portúgölum fyrir frábæra keppni, sagði íslenska karlalandsliðið tilbúið fyrir Heimsmeistaramótið í knattspyrnu og kynnti svo loks stig íslensku dómnefndarinnar sem voru eftirfarandi:
Austurríki 12 stig
Albanía 10 stig
Ísrael 8 stig
Eistland 7 stig
Þýskaland 6 stig
Svíþjóð 5 stig
Írland 4 stig
Frakkland 3 stig
Kýpur 2 stig
Tékkland 1 stig
Edda Sif kynnti stig íslensku dómnefndarinnar í landsliðstreyju
Tengdar fréttir
Bestu tístin undir #12stig:„Ég bara VEIT að Alexander Rybak er leiðinlegur í glasi"
Íslendingar voru í miklu stuði á Twitter í kvöld.
Stökk upp á svið og reif hljóðnemann af bresku söngkonunni
Maður greip hljóðnemann af söngkonunni SuRie í miðju atriði.
