Innlent

Börn í vanda hýst í Garðabæ

Lovísa Arnardóttir skrifar
Frá Garðabæ.
Frá Garðabæ. Fréttablaðið/Sigurjón

Byggja á eitt þúsund fermetra meðferðarheimili í Garðabæ við Vífilsstaðaháls fyrir börn sem glíma við hegðunar- og vímuefnavanda. Þar á einnig að vista unglinga sem úrskurðaðir eru í gæsluvarðhald. Samkvæmt samningi Sameinuðu þjóðanna má ekki vista börn í fangelsi með fullorðnum.



Samkvæmt viljayfirlýsingu Garðabæjar, velferðarráðuneytisins og Barnaverndarstofu sem undirrituð verður á morgun úthlutar Garðabær lóð undir starfsemina, velferðarráðuneytið tryggir Barnaverndarstofu fjármagn til framkvæmda vegna byggingar heimilisins og Barnaverndarstofa annast reksturinn. Framkvæmdir eiga að hefjast á næsta ári.



Fram kemur í fundargerð bæjarráðs Garðabæjar að nú þegar sé hafin vinna við skipulag svæðisins.

Birtist í Fréttablaðinu Garðabær Heilbrigðismál Meðferðarheimili
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið