Telur að gerð verði uppreisn verði hann kærður fyrir embættisbrot Samúel Karl Ólason skrifar 12. desember 2018 09:15 Donald Trump, forseti Bandaríkjanna. AP/Jacquelyn Martin Donald Trump, forseti Bandaríkjanna, sagðist í gær telja að stuðningsmenn hans myndu gera byltingu ef þingmenn Demókrataflokksins myndu ákæra hann fyrir embættisbrot á komandi ári. Hann sagðist þó ekki hafa áhyggjur. Þó einfaldur meirihluti á fulltrúadeild Bandaríkjaþings geti lagt fram slíka tillögu þurfa 67 öldungadeildarþingmenn af hundrað að kjósa með tillögunni til að bola forseta úr embætti. Demókratar munu taka yfir stjórn fulltrúadeildarinnar á næsta ári en Repúblikönum tókst að auka meirihluta sinn um tvo þingmenn á öldungadeildinni og verða með 53 þingmenn gegn 47. „Það er erfitt að kæra einhvern fyrir embættisbrot sem hefur ekki gert neitt rangt af sér og hefur búið til besta efnahag í sögu ríkis okkar,“ sagði Trump í viðtali við Reuters.„Ég hef ekki áhyggjur, nei. Ég held að fólk myndi gera byltingu ef það gerðist.“ Alríkissaksóknarar héldu því fram í dómsskjölum í síðustu viku að Trump hefði skipað lögmanni sínum, Michael Cohen, að greiða tveimur konum meira en hundrað þúsund dali í aðdraganda forsetakosninganna 2016. Slíkt væri brot á lögum um kosningar og þá sérstaklega um framlög til framboða, þar sem greiðslunum var ætlað að kaupa þögn kvennanna fyrir meint framhjáhald forsetans með þeim á árum áður í aðdraganda kosninganna. Saksóknarar líta á þessar greiðslur sem framlög til framboðs Trump en hámarkið sem einstaklingur má gefa til framboðs eru 2.700 dalir. Konurnar tvær sem um ræðir eru klámmyndaleikkonan og leikstjórinn Stephanie Clifford, sem einnig er þekkt sem Stormy Daniels, og Karen McDougal, fyrrverandi fyrirsæta tímaritsins Playboy.Klámmyndaleikkonunni Stormy Daniels, var í gær gert að greiða trump 293 þúsund dali í málskostnað vegna lögsóknar hennar gegn forsetanum fyrir meiðyrði. Málinu var vísað frá.AP/Markus SchreiberTrump viðurkenndi fyrr á þessu ári, þegar hljóðupptökur voru opinberaðar, að hafa endurgreitt Cohen 130 þúsund dali vegna greiðslunnar til Daniels, þrátt fyrir að hann hefði áður haldið því fram að hann hafi ekkert vitað um málið. Forsetinn segir að Cohen sé að ljúga um sig til að reyna að komast undan glæpum sínum og hefur hvatt til þess að Cohen fái þungan dóm þegar dómur verður kveðinn upp í dag. „Michael Cohen er lögmaður. Ég geri ráð fyrir að hann myndi vita hvað hann væri að gera,“ sagði Trump. „Í fyrsta lagi, þá var þetta ekki framlag til framboðs. Ef þetta var slíkt, þá er það ekki sakamál, og þetta var ekki gegn lögum. Okei?“ Blaðamenn Reuters spurðu Trump út í staðhæfingar saksóknara um að fjöldi fólks sem vann og vinnur fyrir Trump hafi hitt, fundað með og rætt við rússneska aðila í aðdraganda forsetakosninganna. Hann vildi þó lítið tala um það og fór þess í stað að tala um einstaklega óljósar ásakanir gegn Hillary Clinton, mótframbjóðanda hans í kosningunum 2016.Sjá einnig: Minnst fjórtán Rússar ræddu við Trump-liða í kosningabaráttunni„Það sem þið eruð að tala um er tittlingaskítur,“ sagði Trump. „Ég hef ekki heyrt þetta, en get bara sagt ykkur þetta. Hillary Clinton, eiginmaður hennar fékk peninga, hún fékk peninga, hún borgaði peninga, af hverju talar ekki einhver um það?“Stendur við bakið á krónprinsinum Í viðtalinu var Trump einnig spurður út í morð blaðamannsins Jamal Khashoggi, sem var myrtur í ræðisskrifstofu Sádi-Arabíu í Istanbúl. Leyniþjónustur Bandaríkjanna hafa komist að þeirri niðurstöður að Mohammed bin Salman, krónprins Sádi-Arabíu, hafi fyrirskipað morðið og bandarískir þingmenn sem hafa séð gögnin segja sömuleiðis að það sé ljóst.Mohammed bin Salman, krónprins Sádi-Arabíu.AP/G20 Press OfficeTrump, sem hefur séð sömu gögn, er þó ekki á þeirri skoðun og hefur hann verið gagnrýndur af þingmönnum Repúblikanaflokksins fyrir það viðhorf sitt. Trump sagði Reuters að Sádi-Arabía hefði reynst Bandaríkjunum góður bandamaður og hann stæði við bakið á krónprinsinum. Öldungadeildarþingmenn munu í vikunni ræða hvort þingið eigi að fordæma krónprinsinn vegna morðsins en Trump hefur sagt að hann myndi beita neitunarvaldi gegn slíkri yfirlýsingu. Trump sagðist vonast til þess að þingmennirnir legðu ekki til að Bandaríkin myndu hætta að selja Sádum vopn vegna málsins. Annars myndu þeir peningar renna til Rússlands og Kína. Hann sagði þó að til greina kæmi að binda enda á stuðning Bandaríkjanna varðandi stríð Sáda í Jemen, þar sem þeir berjast gegn uppreisnarmönnum Húta sem studdir eru af Íran. „Sko, ég er miklu opnari gagnvart Jemen því, mér þykir ljótt að sjá það sem er að gerast þar,“ sagði Trump. Hann sagðist þó vilja sjá Írani fara frá Jemen og taldi að slíkt gæti gerst.Fyrirsögn fréttarinnar hefur verið breytt. Upprunalega sneri hún að vantrauststillögu en það var ekki rétt. Bandaríkin Donald Trump Mið-Austurlönd Morðið á Khashoggi Mest lesið Grunaður um að hafa frelsissvipt ferðamann í nokkrar klukkustundir Innlent Hikar ekki við að lögsækja skuli Rafmennt nota nafn skólans Innlent Kalla eftir mannúð og miskunnsemi stjórnvalda gagnvart börnum Innlent Birgir Guðjónsson er látinn Innlent Waltz bolað úr embætti af Trump vegna Signal skilaboðanna Erlent Myndaveisla: Lúðrasveit, fánar og gríðarstór stytta á Verkalýðsdaginn Innlent Verkalýðsdagurinn haldinn í skugga sjálftöku forystumanna Innlent Þekkir ofbeldið sem konur í karllægum störfum verða fyrir Innlent Börnum haldið innilokuðum í „hryllingshúsi“ í fleiri ár Erlent Mun sjá eftir árásinni alla ævi Innlent Fleiri fréttir Waltz bolað úr embætti af Trump vegna Signal skilaboðanna Var svo „þreyttur á öllu“ að hann ákvað að aka inn í þvögu barna Börnum haldið innilokuðum í „hryllingshúsi“ í fleiri ár Yfirgefa Svíþjóð til að hraða þróun rafmagnsflugvélar Getur frelsað El Salvador-fangann en vill það ekki Skrifa nú undir samninginn sem féll af borðinu eftir hitafundinn Sænskur blaðamaður dæmdur fyrir að móðga Erdogan Ellefu slasaðir og þrír alvarlega í Kaupmannahöfn Segja 4.700 Kimdáta hafa fallið eða særst Danakonungur til Grænlands í annað sinn á skömmum tíma Ungi morðinginn flúði nýverið af vistheimili Segir sveppaeitrunina hafa verið „hörmulegt óhapp“ Rýnt í stöðuna í Úkraínu: Rússar ítreka umfangsmiklar kröfur og Trump hótar að fara í fússi Ungur maður handtekinn vegna morðanna í Uppsölum Fagnaði fyrstu hundrað dögunum í Hvíta húsinu Pakistan segir Indland mögulega gera árás á næstu klukkustundum Árásarmannsins enn leitað Þrír látnir eftir skotárás í Uppsölum Fella niður hluta ákæru á hendur meintum sveppamorðingja Íhuga að loka Everest öðrum en reyndu göngufólki Bannað að selja auðmönnum evrópskan ríkisborgararétt Orsakir rafmagnsleysisins sögulega enn óþekktar Fjórir létust þegar bíl var ekið í gegnum frístundaheimili Allt að komast í samt lag á Spáni og í Portúgal Carney og Frjálslyndir fóru með sigur af hólmi Rafmagn að koma aftur á: Íslendingar lýsa mikilli óvissu Spennan eykst milli Indlands og Pakistan Allt í rugli á Rauðahafi Hvetur Kanadamenn að kjósa sig Lýsir yfir einhliða vopnahléi vegna sigurhátíðar í næstu viku Sjá meira
Donald Trump, forseti Bandaríkjanna, sagðist í gær telja að stuðningsmenn hans myndu gera byltingu ef þingmenn Demókrataflokksins myndu ákæra hann fyrir embættisbrot á komandi ári. Hann sagðist þó ekki hafa áhyggjur. Þó einfaldur meirihluti á fulltrúadeild Bandaríkjaþings geti lagt fram slíka tillögu þurfa 67 öldungadeildarþingmenn af hundrað að kjósa með tillögunni til að bola forseta úr embætti. Demókratar munu taka yfir stjórn fulltrúadeildarinnar á næsta ári en Repúblikönum tókst að auka meirihluta sinn um tvo þingmenn á öldungadeildinni og verða með 53 þingmenn gegn 47. „Það er erfitt að kæra einhvern fyrir embættisbrot sem hefur ekki gert neitt rangt af sér og hefur búið til besta efnahag í sögu ríkis okkar,“ sagði Trump í viðtali við Reuters.„Ég hef ekki áhyggjur, nei. Ég held að fólk myndi gera byltingu ef það gerðist.“ Alríkissaksóknarar héldu því fram í dómsskjölum í síðustu viku að Trump hefði skipað lögmanni sínum, Michael Cohen, að greiða tveimur konum meira en hundrað þúsund dali í aðdraganda forsetakosninganna 2016. Slíkt væri brot á lögum um kosningar og þá sérstaklega um framlög til framboða, þar sem greiðslunum var ætlað að kaupa þögn kvennanna fyrir meint framhjáhald forsetans með þeim á árum áður í aðdraganda kosninganna. Saksóknarar líta á þessar greiðslur sem framlög til framboðs Trump en hámarkið sem einstaklingur má gefa til framboðs eru 2.700 dalir. Konurnar tvær sem um ræðir eru klámmyndaleikkonan og leikstjórinn Stephanie Clifford, sem einnig er þekkt sem Stormy Daniels, og Karen McDougal, fyrrverandi fyrirsæta tímaritsins Playboy.Klámmyndaleikkonunni Stormy Daniels, var í gær gert að greiða trump 293 þúsund dali í málskostnað vegna lögsóknar hennar gegn forsetanum fyrir meiðyrði. Málinu var vísað frá.AP/Markus SchreiberTrump viðurkenndi fyrr á þessu ári, þegar hljóðupptökur voru opinberaðar, að hafa endurgreitt Cohen 130 þúsund dali vegna greiðslunnar til Daniels, þrátt fyrir að hann hefði áður haldið því fram að hann hafi ekkert vitað um málið. Forsetinn segir að Cohen sé að ljúga um sig til að reyna að komast undan glæpum sínum og hefur hvatt til þess að Cohen fái þungan dóm þegar dómur verður kveðinn upp í dag. „Michael Cohen er lögmaður. Ég geri ráð fyrir að hann myndi vita hvað hann væri að gera,“ sagði Trump. „Í fyrsta lagi, þá var þetta ekki framlag til framboðs. Ef þetta var slíkt, þá er það ekki sakamál, og þetta var ekki gegn lögum. Okei?“ Blaðamenn Reuters spurðu Trump út í staðhæfingar saksóknara um að fjöldi fólks sem vann og vinnur fyrir Trump hafi hitt, fundað með og rætt við rússneska aðila í aðdraganda forsetakosninganna. Hann vildi þó lítið tala um það og fór þess í stað að tala um einstaklega óljósar ásakanir gegn Hillary Clinton, mótframbjóðanda hans í kosningunum 2016.Sjá einnig: Minnst fjórtán Rússar ræddu við Trump-liða í kosningabaráttunni„Það sem þið eruð að tala um er tittlingaskítur,“ sagði Trump. „Ég hef ekki heyrt þetta, en get bara sagt ykkur þetta. Hillary Clinton, eiginmaður hennar fékk peninga, hún fékk peninga, hún borgaði peninga, af hverju talar ekki einhver um það?“Stendur við bakið á krónprinsinum Í viðtalinu var Trump einnig spurður út í morð blaðamannsins Jamal Khashoggi, sem var myrtur í ræðisskrifstofu Sádi-Arabíu í Istanbúl. Leyniþjónustur Bandaríkjanna hafa komist að þeirri niðurstöður að Mohammed bin Salman, krónprins Sádi-Arabíu, hafi fyrirskipað morðið og bandarískir þingmenn sem hafa séð gögnin segja sömuleiðis að það sé ljóst.Mohammed bin Salman, krónprins Sádi-Arabíu.AP/G20 Press OfficeTrump, sem hefur séð sömu gögn, er þó ekki á þeirri skoðun og hefur hann verið gagnrýndur af þingmönnum Repúblikanaflokksins fyrir það viðhorf sitt. Trump sagði Reuters að Sádi-Arabía hefði reynst Bandaríkjunum góður bandamaður og hann stæði við bakið á krónprinsinum. Öldungadeildarþingmenn munu í vikunni ræða hvort þingið eigi að fordæma krónprinsinn vegna morðsins en Trump hefur sagt að hann myndi beita neitunarvaldi gegn slíkri yfirlýsingu. Trump sagðist vonast til þess að þingmennirnir legðu ekki til að Bandaríkin myndu hætta að selja Sádum vopn vegna málsins. Annars myndu þeir peningar renna til Rússlands og Kína. Hann sagði þó að til greina kæmi að binda enda á stuðning Bandaríkjanna varðandi stríð Sáda í Jemen, þar sem þeir berjast gegn uppreisnarmönnum Húta sem studdir eru af Íran. „Sko, ég er miklu opnari gagnvart Jemen því, mér þykir ljótt að sjá það sem er að gerast þar,“ sagði Trump. Hann sagðist þó vilja sjá Írani fara frá Jemen og taldi að slíkt gæti gerst.Fyrirsögn fréttarinnar hefur verið breytt. Upprunalega sneri hún að vantrauststillögu en það var ekki rétt.
Bandaríkin Donald Trump Mið-Austurlönd Morðið á Khashoggi Mest lesið Grunaður um að hafa frelsissvipt ferðamann í nokkrar klukkustundir Innlent Hikar ekki við að lögsækja skuli Rafmennt nota nafn skólans Innlent Kalla eftir mannúð og miskunnsemi stjórnvalda gagnvart börnum Innlent Birgir Guðjónsson er látinn Innlent Waltz bolað úr embætti af Trump vegna Signal skilaboðanna Erlent Myndaveisla: Lúðrasveit, fánar og gríðarstór stytta á Verkalýðsdaginn Innlent Verkalýðsdagurinn haldinn í skugga sjálftöku forystumanna Innlent Þekkir ofbeldið sem konur í karllægum störfum verða fyrir Innlent Börnum haldið innilokuðum í „hryllingshúsi“ í fleiri ár Erlent Mun sjá eftir árásinni alla ævi Innlent Fleiri fréttir Waltz bolað úr embætti af Trump vegna Signal skilaboðanna Var svo „þreyttur á öllu“ að hann ákvað að aka inn í þvögu barna Börnum haldið innilokuðum í „hryllingshúsi“ í fleiri ár Yfirgefa Svíþjóð til að hraða þróun rafmagnsflugvélar Getur frelsað El Salvador-fangann en vill það ekki Skrifa nú undir samninginn sem féll af borðinu eftir hitafundinn Sænskur blaðamaður dæmdur fyrir að móðga Erdogan Ellefu slasaðir og þrír alvarlega í Kaupmannahöfn Segja 4.700 Kimdáta hafa fallið eða særst Danakonungur til Grænlands í annað sinn á skömmum tíma Ungi morðinginn flúði nýverið af vistheimili Segir sveppaeitrunina hafa verið „hörmulegt óhapp“ Rýnt í stöðuna í Úkraínu: Rússar ítreka umfangsmiklar kröfur og Trump hótar að fara í fússi Ungur maður handtekinn vegna morðanna í Uppsölum Fagnaði fyrstu hundrað dögunum í Hvíta húsinu Pakistan segir Indland mögulega gera árás á næstu klukkustundum Árásarmannsins enn leitað Þrír látnir eftir skotárás í Uppsölum Fella niður hluta ákæru á hendur meintum sveppamorðingja Íhuga að loka Everest öðrum en reyndu göngufólki Bannað að selja auðmönnum evrópskan ríkisborgararétt Orsakir rafmagnsleysisins sögulega enn óþekktar Fjórir létust þegar bíl var ekið í gegnum frístundaheimili Allt að komast í samt lag á Spáni og í Portúgal Carney og Frjálslyndir fóru með sigur af hólmi Rafmagn að koma aftur á: Íslendingar lýsa mikilli óvissu Spennan eykst milli Indlands og Pakistan Allt í rugli á Rauðahafi Hvetur Kanadamenn að kjósa sig Lýsir yfir einhliða vopnahléi vegna sigurhátíðar í næstu viku Sjá meira