Bein útsending: Katrín Lea í Miss Universe

Katrín Lea Elenudóttir er um þessar mundir í Bangkok að taka þátt í Miss Universe-keppninni en á fimmtudagskvöldið fór fram svokölluð forkeppni en aðalkeppnin er síðan í kvöld. 

94 keppendur taka þátt og á forkeppniskvöldinu koma allir keppendur fram í síðkjól og baðfötum. 

Það var í raun eina tækifærið fyrir alla keppendur að sýna sig í kjól og baðfötum þar sem aðeins verða tuttugu konur valdar til þess að keppa í kvöld.

Katrín Lea var gestur í Einkalífinu á Vísi fyrir nokkrum vikum en þáttinn má sjá að neðan.

Steve Harvey verður kynnir kvöldsins eins og vanalega en hann hefur áður vakið mikla athygli í Miss Universe og þá aðallega þegar hann kynnti til leiks rangan sigurvegara. 



Lokakvöldið hefst stundvíslega klukkan 00:00 í kvöld og verður í beinni útsendingu á YouTube-síðu Miss Universe og einnig á Facebook-síðunni.