Fimmta lotan í Toronto: Svona er lífið hjá UFC-bardagaköppunum
UFC-þátturinn Fimmta lotan heilsar frá Toronto þar sem Haraldur Dean Nelson og Pétur Marinó Jónsson eru gestir að þessu sinni.
Haraldur er auðvitað faðir og umboðsmaður Gunnars og hefur staðið þétt við hlið sonar síns á hans ferli. Pétur hefur sömuleiðis mikla reynslu af UFC-lífinu eftir að hafa elt Gunnar út um allan heim.
Þeir félagar segja okkur frá því í þættinum hvernig lífið er á bak við tjöldin hjá UFC-bardagaköppunum og auðvitað er einnig spáð í spilin fyrir bardaga Gunnars og Alex Oliveira.
Friðrik Salvar Bjarnason sér um myndatöku.
Vísir er í Toronto og fylgist ítarlega með öllu í aðdraganda UFC 231. Bardagakvöldið með Gunnari er í beinni útsendingu á Stöð 2 Sport á laugardag.
Tengdar fréttir
Brasilíski kúrekinn mætti í fullum herklæðum á blaðamannafund
Brasilíumaðurinn Alex Oliveira, andstæðingur Gunnars Nelson um helgina, sló í gegn á fjölmiðladegi UFC í dag enda í skrautlegasta klæðnaðinum.
Oliveira: Ætla að rota Gunnar í fyrstu lotu
Það vantaði nákvæmlega ekkert upp á sjálfstraustið hjá Alex Oliveira er við hittum hann í gær og engu líkara en hann búist við auðveldum bardaga. Hann var mjög slakur á því og dansaði um tíma í viðtalinu.
Mikið spurt um Conor á blaðamannafundi Gunnars
Gunnar Nelson var búinn með fyrsta kaffibolla dagsins og nokkuð ferskur er hann mætti blaðamannahernum í Toronto í dag.
Haraldur: Gunni á nokkur ár eftir og allt opið með framhaldið
Haraldur Dean Nelson, faðir og umboðsmaður Gunnars Nelson, heldur því opnu að Gunnar berjist fyrir annað bardagasamband í framtíðinni. Það er aukin samkeppni um þá bestu í MMA-heiminum í dag.
