Innlent

Telja meira í skýrslunni um Orkuveituna en áður hefur komið fram

Jóhann K. Jóhannsson skrifar
Annar kafli sem ekki er birtur í skýrslu innri endurskoðunar um Orkuveitur Reykjavíkur var afhentur starfandi forstjóra og engum öðrum. Þar eru tekin viðtöl við fyrrum og núverandi starfsmenn fyrirtækisins og segir borgarfulltrúi að ekki sé allt komið upp á yfirborðið.

Skýrslan um vinnustaðamenningu og ákveðin starfsmannamál Orkuveitu Reykjavíkur og dótturfyrirtækja hefur mikið verið til umræðu frá því skýrslan var kynnt á blaðamannafundi í upphafi vikunnar. Starfandi forstjóri Orkuveitu Reykjavíkur ásamt Innri endurskoðanda borgarinnar komu á fund borgarráðs í dag og kynntu innanhald skýrslunnar. Skiptar skoðanir eru á meðal fulltrúa borgarráðs um innihaldið og hvernig unnið sé úr ábendingum.

Á blaðamannafundinum á mánudag var sagt að skýrslan tæki á öllu sem upp hafi komið í þessu máli en ekki var hægt að birta sérstakar kafla sem sneru beint að fyrrverandi framkvæmdastjóra og fyrrverandi forstöðumanni hjá Orku náttúrunnar.

 

 

Annar óbirtur kafli



Það er hins vegar annar kafla sem hefur heldur ekki verið birtur og nefnist svör við opinni spurningu. Sú umfjöllun var tekin úr skýrslunni vegna persónuverndarsjónarmiða og eigindleg greining afhent starfandi forstjóra Orkuveitunnar. Innri endurskoðun fer fram á skrifleg viðbrögð. Fréttastofan hefur óskað eftir á fá niðurstöður þess hluta.

 

Hildur Björnsdóttir, borgarfulltrúi Sjálfstæðisflokksins og stjórnarmaður í Orkuveitur ReykjavíkurVísir
„Það er sömuleiðis eigindlegur hluti rannsóknarinnar sem ekki hefur verið birtur og ég hef heldur ekki fengið að sjá og enginn af okkur í stjórn. Sá hluti skýrslunnar byggir á frásögnum og svörum við opinni spurningu frá einstaka starfsmönnum fyrrverandi og núverandi og þar reikna ég með að ýmisleg komi fram.“ segir Hildur Björnsdóttir, borgarfulltrúi Sjálfstæðisflokksins og stjórnarmaður í Orkuveitu Reykjavíkur.

 

Er enn á þeirri skoðun að skýrslan hefði átt að vera unnin af öðrum

Fulltrúi Miðflokksins er enn á því að úttektina hefði átt að framkvæma af öðrum en Innri endurskoðun borgarinnar.

 

Vigdís Hauksdóttir, borgarfulltrúi MiðflokksinsVísir
„Mér finnst það ekki traustvekjandi að á mánudaginn er boðað til blaðamannafundar í Orkuveitunni, þar sem þessir aðilar, stjórn Orkuveitunnar, kynna sjálfir skýrslu sem að Innri endurskoðun Reykjavíkurborgar ber ábyrgð á. Hvar var embættið á þessum blaðamannafundi,“ sagði Vigdís Hauksdóttir, borgarfulltrúi Miðflokksins.

Fram kom á fundi borgarráðs í dag að 30% fyrrverandi starfsmanna Orkuveitunnar telja sig hafa orðið fyrir einelti þegar þeir störfuðu hjá fyrirtækinu og að mikil starfsmannavelta hafi verið á síðustu tveimur árum. Ertu sáttur við skýrsluna?

 

Það eru ekki allir sáttir við skýrsluna 

 

Eyþór Laxdal Arnalds, borgarfulltrúi Sjálfstæðisflokksins.Vísir
„Ég held að fáir séu sáttir, þó að almennt sé ánægja hjá núverandi starfsmönnum, þá eru þarna mál sem ekki hafa verið í lagi og ég held að enginn geti verið sáttur við það hvort sem að þeir hafi lent í því eða stjórnin, þannig að hún hlýtur að taka málið áfram,“ sagði Eyþór Laxdal Arnalds, borgarfulltrúi Sjálfstæðisflokksins.

 

Uppfært: 19:30

Eftir birtingu fréttarinnar hafði Eiríkur Hjálmarsson, upplýsingarfulltrúi Orkuveitunnar samband við fréttastofu og sagði að sá hluti skýrslunnar sem snýr að eigindlegri rannsókn sem unnið er af Félagsvísindastofnun Háskólans væri ekki komin í hendur starfandi forstjóra Orkuveitu Reykjavíkur.


Tengdar fréttir

Ekki sammála um réttmæti uppsagnar

Skýrsla innri endurskoðunar um Orkuveitu Reykjavíkur var kynnt í gær. Stjórnarformaður og starfandi forstjóri OR sáttir við niðurstöðurnar.

Tíu vikna „stormur í vatnsglasi“

Sjötíu dögum eftir að Áslaugu Thelmu Einarsdóttur var sagt upp störfum sem forstöðumanni á einstaklingssviði hjá Orku náttúrunnar er niðurstaða óháðrar úttektar á málinu sú að uppsögnin hafi verið réttmæt.




Fleiri fréttir

Sjá meira


×