Banaslys á Sæbraut

Banaslys varð á Sæbraut við Kringlumýrarbraut á tólfta tímanum í morgun þegar ekið var á gangandi vegfaranda. Hann var fluttur á slysadeild Landsspítalans í Fossvogi, þar sem hann var úrskuðaður látinn.

Sæbraut til vesturs var lokað fyrir umferð á meðan sjúkraflutningamenn unnu á vettvangi og vettvangsrannsókn lögreglu fór fram.

Um er að ræða annað banaslysið á landinu á innan við sólarhring. Maður lét lífið í bílveltu á Borgarfjarðarbraut í gærkvöldi.