FH-ingar úr leik eftir annað tap í Portúgal

FH er úr leik í EHF bikarnum eftir tap fyrir Benfica í dag. FH tapaði einvíginu samanlagt með átta mörkum.

FH-ingar ákváðu að selja heimaleikjarétt sinn og voru báðir leikir liðanna því spilaðir ytra nú um helgina. Í gær tapaði FH með fimm mörkum 37-32.

Staðan í hálfleik var 18-15 fyrir heimamenn og þeir sigruðu að lokum 34-31. FH tapar því einvíginu samanlagt 71-63.

Bjarni Ófeigur Valdimarsson var markahæstur í liði FH með átta mörk. Jóhann Birgir Ingvarsson skoraði 6 og þeir Ásbjörn Friðriksson og Einar Rafn Eiðsson skoruðu þrjú mörk hvor.