Seldu samlokur fyrir tvo milljarða
Hagnaður samlokufélagsins Sóma nam 199 milljónum króna á síðasta ári og jókst um ríflega 20 milljónir króna á milli ára, samkvæmt ársreikningi félagsins.
Rekstrartekjur Sóma, sem selur meðal annars tilbúnar samlokur, kjúklinga- og pastarétti og salöt, voru 2.039 milljónir króna í fyrra og jukust um 6 prósent frá fyrra ári þegar þær voru 1.923 milljónir. Rekstrargjöldin námu 1.805 milljónum króna á síðasta ári og jukust um 120 milljónir króna á milli ára en þar af hækkuðu laun og launatengd gjöld um 80 milljónir.
Um 88 manns störfuðu að meðaltali hjá Sóma í fyrra borið saman við 78 starfsmenn árið áður.
Eignir samlokufélagsins voru 936 milljónir króna í lok síðasta árs og var eigið fé þess 444 milljónir króna. – kij
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
