Fyrrum hús Bó Halldórs til sölu

232 fermetra einbýlishús við Sléttahraun 16 í Hafnafirði hefur verið sett á sölu. Fyrrum eigendur hússins eru hjónin Björgvin Halldórsson og Ragnheiður Björk Reynisdóttir. Pálmar Kristmunds arkítekt bjó þar einnig um skeið. Verð hússins er 81,9 milljónir króna eins og fram kemur á fasteignavef Vísis.

Húsið er miðsvæðis í Hafnafirði með tvennar svalir, átta herbergi, fimm svefnherbergi og tvö baðherbergi.

Svala Björgvins og Krummi í Mínus, tónlistarfólk og börn hjónanna, bjuggu bæði í húsinu á tímabili.