Titraði úr stressi en sjokkeraði alla þegar hún byrjaði

Hin 13 ára Courtney Hadwin mætti í áheyrnaprufu í Amercia´s Got Talent í vikunni og sló þessi unga stelpa rækilega í gegn.

Hadwin var vel stressuð fyrir prufuna en virtist ná að hrista af sér stressið og má með sanni segja að hún hafi komið öllum á óvart í salnum með flutningi sínum.

Dómarinn Howie Mandel var það hrifinn að hann ýtti á gullhnappinn sem skilar þessari þrettán ára snillingi beint í úrslit.

Hér að neðan má sjá útkomuna þegar Courtney tók Hard To Handle eftur Otis Redding. Mandel líkti Hadwin við Janis Jopling áður en hann ýtti á takkann.