Sumarspá Siggu Kling – Sporðdrekinn: Mátt leyfa þér að sýna ótta

Elsku Sporðdrekinn minn, þú ert svo ástríðufullur og elskar af lífi og sál en finnst í raun og veru lífið svo sveiflukennt. Eina stundina nýturðu lífsins til fulls, hina stundina finnst þér þú ekkert hafa að gefa. Ég var að hlusta á útvarp Sögu í dag, einu sem oftar, þá sagði maðurinn í viðtalinu: „Þú velur hvort þú er vitur eða bitur“, hvort velurðu elskan mín að vera, XV eða XB?

Þessi setning hristi við mér og ef þú velur að nota orðið vitur mun það auka styrk þinn og láta þig þora að taka áskorunum, en orðið bitur rímar líka við orðið að bugast og það er leiðinlegasta orð í íslenskri orðabók og þegar ég nota orðið ég er buguð hef ég orðið veik.  Ég tengi svo afskaplega vel við þig elskan mín vegna þess þú hefur svo mikil líkindi við mig því Spordreki og Naut eru bestu vinir. Þú mátt leyfa þér að sýna ótta þegar þú ert með vindinn í fangið, því þá vill fólk hjálpa þér, en þegar þú þykist hafa allt á hreinu en hefur það ekki, er öllum sama um þig.

Þú ert svo skrýtin blanda af sláandi útliti og einstöktum töfrum að margir skilja þig ekki, er ert svo mjúkur og tekur gagnrýni svo nærri þér og velgengni þín byrjar yfirleitt ekki fyrr en eftir 25 ára aldur. Þú elskar Móður Jörð og hún gefur þér kraftinn svo notaðu náttúruna til þess að finna hamingjuna því þú elskar að njóta en hugsar minna um peninga. Að sjálfsögu hefurðu hina hvítu og svörtu hlið, annars værirðu ekkert spennandi og ég hef aldrei kynnst væmnum sporðdreka.

Ekki stefna öryggi þínu í vofa þó þér gæti hlotnast upphefð í starfi, skóla eða vináttu og alls ekki láta alla vita hvaða skoðun þú hefur á þessum eða hinum, því ef þú sleppir því þá mun sá sem virkilega pirrar þig hjálpa þér áfram þegar þig virkilega vantar einhvern til þess að rétta þér hendi.  Í ástinni skaltu byggja til framtíðar og ef ástin eða sá sem þú hefur áhuga á fer virkilega í taugarnar á þér skaltu henda honum út úr lífi þínu núna og alls ekki halda að það sé hægt að gera þannig í vináttu, þá bara skaltu nota: lok, lok, og læs og henda lyklinum sem tengir þig við viðkomandi.

Kossar til þín, Sigga Kling

Frægir Sporðdrekar: Birkir Már Sævarsson landsliðsmaður, Dísa í World Class, Helga Braga Jónsdóttir leikkona, Björk Guðmundsdóttir söngkona, Scarlett Johansson leikkona, Whoopie Goldberg leikkona, Sigríður Elva Vilhjálmsdóttir sjónvarpskona, Emmsjé Gauti rappari, Björk, Indira Ghandi, Karl bretaprins, Hillary Clinton, Leonardo DiCaprio, Magnús Scheving, Steingrímur Sævarr Ólafsson fjölmiðlaráðgjafi, Guðný Hrefna Sverrisdóttir, flugfreyja og gourmé kokkur, Hörður Ágústsson Macland snillingur, Indira Gandhi, Guðrún Ásmundsdóttir og Calvin Klein.