Fyrsti byrjunarliðsleikur Böðvars endaði með tapi

Böðvar Böðvarsson var í fyrsta skipti í byrjunarliði Jagiellonia Bialystok en liðið tapaði 2-1 gegn Gornik Zabrze í pólsku úrslitakeppninni í dag.

Átta efstu liðin eru í úrslitakeppninni þar sem öll liðin spila við hvort annað en Böðvar spilaði allan leikinn í vinstri bakverðinum.

Böðvar gekk í raðir Jagiellonia Bialystok í janúar og hefur ekki verið í byrjunarliðinu fyrr en nú. Hann nældi sér í gult spjald á nítjándu mínútu leiksins.

Igor Angulo kom Gornik Zabrze í 2-0 með tveimur mörkum með fjögurra mínútna millibili, það fyrra á 81. mínútu. Karol Swiderski minnkaði muninn fyrir Jagiellonia Bialystok en nær komust þeir ekki.

Jagiellonia er nú í þriðja sæti deildarinnar, stigi á eftir Lech Poznan sem er á toppnum en í öðru sætinu er Legia Varsjá með 54 stig, jafn mörg og Jagiellonia en betri markahlutfall.